– Mii dárbbašit eambbo arenaid main sápmelaččat ieža mearridit guđiid áššiid digaštallet sámi servodagas. Lávdan Sámi Arena lea deaŧalaš doaibma mii čohkke aktevrraid miehtá Sámi, ja mun illudan digaštallat ja čoahkkinastit. Go mii čoahkkanit, digaštallat ja ságastallat – de mii hábmet boahtteáiggi. Mun maiddái sávan ahte majoritehtaálbmot searvá daidda oallut sešuvnnaide mat lágiduvvojit, dadjá sámediggepresideanta Silje Karine Muotka (NSR).

Sámediggi doarju ja searvá ollu doaimmaide

Sámediggi lea ruđalaččat dorjon Sámiráđi mii koordinere doaluid boahtte vahku:

• KulturSápmi 2025 – 300.000 ruvnno (Sámiráđđi)
• Lávdan Sámi Arena ja Dieđavahkku (Dutkansápmi) – 400.000 ruvnno (Sámiráđđi)
• Vuođđudus Duodjeinstituhtta – 71.000 ruvnno duodječájáhussii mii čájehuvvo dan vahku

Sámediggi dasa lassin lágida sierra sešuvnnaid ja searvá politihkalaččat máŋga lágideapmái.

Sámedikki lágideamit

• Geassemánu 10. beaivvi dii. 09.00–11.15: Rájiidrasttideaddji ovttasbargu sámi mánáidgárde- ja skuvlafálaldaga hárrái miehtá Sámi
  Ronald Pulk láidesta. Geahča prográmma
• Geassemánu 11.–12. beivviid: Boazodoallokonferánsa – boazodoalloealáhussii siskkáldas deaivvadeapmi. Loga eambbo konferánssa birra 
  Loga artihkkala: Bovdehus boazodoallokonferánsii

Politihkalaš searvan

• Silje Karine Muotka ja Elisabeth Erke searvaba máŋggaide doaluide Lávdan Sámi Arena oktavuođas.
• Maren Benedicte Nystad Storslett ovddasta Sámedikki DutkanSápmi – Dieđavahkus.
• Ole-Henrik Bjørkmo Lifjell oassálastá KulturSámis.

Golbma lágideami – okta sámi vahkku

• KulturSápmi: Geassemánu 10.–12. beivviid
  Prográmma – KulturSápmi
• DutkanSápmi – Dieđavahkku: Geassemánu 11.–13. beivviid
  Prográmma – DutkanSápmi
• Lávdan Sámi Arena: Geassemánu 10.–16. beivviid
  Prográmma – Lávdan Sámi Arena

Geahča maiddái Sámedikki kaleandara mas oaidná buot lágidemiid maidda Sámediggi politihkalaččat searvá.