Sámediggeráđđi Runar Myrnes Balto, ovttas Nationála sámi gelbbolašvuođaguovddážiin (NASÁG/NASAK) ja Norgga biebmoruoktoservviin (Norsk fosterhjemsforening) bovdejit mánáidsuodjaluskonferánsii Radisson Blu-hoteallas Romssas. 

Ođđa mánáidsuodjalusláhka sihkkarastá ahte mánáid čearddalašvuohta, giella, kultuvra ja osku galget fuolahuvvot máná- buoremussii árvvoštallamis, ja sámi mánáid erenoamáš rievttit galget fuolahuvvot. Sámi mánáid vuoigatvuođaid eamiálbmot mánnán ii leat doarvái bures gulustuvvon mánáidsuodjalusas, ja sin riekti bajásšaddat sámi gielain ja kultuvrrain, unnán jearahuvvu ja oidno. Sámi mánát almmolaš fuolahusas eai logahallo čearddalašvuođain, gielain ja kultuvrrain. Dat mielddisbuktá unnán duođaštuvvon máhtu sámi mánáid eallindili, dearvvašvuođa ja birgenlági birra, ja man muddui sin vuoigatvuođat gillii ja kultuvrii fuolahuvvojit.

Konferánssas šaddá fokus sámi mánáid riektesihkkarvuhtii, identitehtii, gillii ja kultuvrii.

Prográmma (PDF, 113 kB)

Dieđit iežat konferánsii

Dieđihanáigemearri: Golggotmánu 31. b. 2022