Fitnodat fállá idjadansaji ja vásáhusaid Varanger Lodge mearkagálvvu namas, ja deattuha mearraguollebivddu, gonagasreabbá ja báikkálaš biepmuid. Dál áigot viiddidit doaimma nu ahte buvttadišgohtet borramuša vuovdin ládje, earret eará ruoššaluosa, dorski ja murjjiid maid bivdet ja čogget guovllus.

– Dá lea buorre ovdamearka das movt báikkálaš resurssaid sáhttá atnit guoddevaš ja hutkás vugiin. Vesterelvjenta ovttastahttá árbevieruid ja ealáhusovdánahttima, ja dat lea ávkin sihke báikegoddái ja gussiide, dadjá sámediggepresideanta Silje Karine Muotka.

Áŋgiruššan galgá veahkehit buoridit árvoháhkama ja nannet sámi mátkeealáhusfitnodaga vuođu. Prošeakta viidáseappot ovdánahttojuvvo pandemiija áiggi vásáhusaid vuođul, dalle go ledje unnit guossit, man geažil fertii hutkat ođđa čovdosiid. Danne Vesterelvjenta ráhkadišgođii borramušaid báikkálaš vuođđoávdnasiiguin ja árbevirolaš biebmovieruid vuođul.

Doarjja juolluduvvo Juohkelágan ealáhusaid doarjjaortnegis.