Sámi giellavahku mihttun lea loktet sámegielaid stáhtusa, ja oainnusmahttit sámegielaid ja loktet máhtu daid birra olles servodagas. Giellakurssaid, giellakafea, muitalanbottuid, kulturdoaimmaid ja oahppodoaimmaid bokte galgá sámegiella oainnusmahttojuvvot ja geavahuvvot miehtá riikka.

- Sámi giellavahkkus lea sáhka oainnusmahttit sámegielaid árgabeaivvis. Iešguđet doaibmabijuid bokte ožžot sihke mánát, nuorat ja rávisolbmot vejolašvuođa deaivat ja geavahit sámegiela iešguđetge arenain, dadjá sámediggeráđđi Maren Benedicte Nystad Storslett (NSR).

Stuorra osiin Sámis ja Norggas čađahuvvojit ollu gelddolaš lágideamit mat galget leat mielde loktemin giellageavaheami. Sámi giellaguovddážiin lea maid dehálaš rolla giellavahkus iežaset doaimmaiguin ja lágidemiin. Dat ožžot doarjaga dábálaš juolludemiid bokte.

- Lea illudahtti oaidnit valljivuođa gielladoaibmabijuin mat čađahuvvojit miehtá riikka. Doaibmabijut čájehit movt sámegiella geavahuvvogoahtá kultuvrra, duoji, biebmoárbevieruid, oahpahusa ja buot ahkásaš olbmuid deaivvadanbáikkiid bokte, dadjá Nystad Storslett.

Giellavahkus lea maid sierra neahttasiidu, mas doarjjaoažžut almmuhit dieđuid doaimmaid birra mat čađahuvvojit giellavahkku oktavuođas. Eambbo dieđuid gávnnat dáppe.

Juolludeamit gielladoaibmabijuide Sámi giellavahku 2026 oktavuođas: