Doarjja addojuvvo oassin Sámedikki áŋgiruššamis regionálaovddideami ovddas.
Guovdageainnu meahcceguovddáš lea oččodeame oktasaš galledan- ja doaibmaguovddáža Guovdageidnui, mii galgá gaskkustit sámi luonddugeavaheami, kulturárbbi ja máilmmiárbbi. Prošeakta galgá dán vuosttaš muttus deattuhit bissovaš organisašuvnna vuođđudeami, oktasaš neahttabáikki ovddideami, luonddu- ja kulturbálgá ásaheami, ja čájáhusaide ráhkkaneami.
Sámediggepresideanta Silje Karine Muotka ja sámediggeráđđi Maren Benedicte Nystad Storslett
Inger Elin Utsi/Sametinget
Doarjja addojuvvo oassin Sámedikki áŋgiruššamis regionálaovddideami ovddas.
Guovdageainnu meahcceguovddáš lea oččodeame oktasaš galledan- ja doaibmaguovddáža Guovdageidnui, mii galgá gaskkustit sámi luonddugeavaheami, kulturárbbi ja máilmmiárbbi. Prošeakta galgá dán vuosttaš muttus deattuhit bissovaš organisašuvnna vuođđudeami, oktasaš neahttabáikki ovddideami, luonddu- ja kulturbálgá ásaheami, ja čájáhusaide ráhkkaneami.
– Guovdageainnu meahcceguovddáža ásaheapmi luonddu, kultuvrra ja máilmmiárbbi guovddážin lea deaŧalaš oassi sámi máhtolašvuođa ja árbevieruid gaskkusteamis. Mii leat rámis go beassat doarjut prošeavtta mii sihke gáhtte sámi árvvuid ja seammás nanne báikkálaš ealáhuseallima ja turismma, dadjá sámediggepresideanta Silje Karine Muotka.
Sámediggeráđđi Maren Benedicte Nystad Storslett deattuha man deaŧalaš báikkálaš eaiggátvuohta ja ovttasbargu lea.
– Dán prošeavtta vuođđun lea báikkálaš áŋgiruššan ja ovttasbargu Guovdageainnus. Ovttasbargu báikkálaš aktevrraiguin ja ásahusaiguin addá prošektii nana vuođu ja rahpá gelddolaš vejolašvuođaid ovddasguvlui, dadjá Nystad Storslett.
Guovdageainnu meahcceguovddáš bargá juo ovttas earret eará Guovdageainnu historjáservviin, Anárjoga álbmotmeahccehálddašeddjiin, Luovvi luohteguovddážiin, ICR:in (Riikkaidgaskasaš boazodoalloguovddáš) ja máŋggain oahppo- ja dutkanásahusain.
Prošeakta lea plánejuvvon gárvvistuvvot jagis 2026. Doarjja Sámedikkis eaktuda ahte prošeakta duođaštuvvo ollásit ruhtaduvvon ovdal go ruđat máksojuvvojit.