Sámediggi doarju lotnolasdoaimma Unjárggas

Sámediggi doarju lotnolasdoaimma Unjárggas

Sámediggi lea juolludan 440 000 kruvnno doarjagiin Kate Johanne Utsi prošektii «Herding & Birding» Unjárgga gielddas.

Sámediggepresideanta Silje Karine Muotka (NSR) lea hui duhtavaš go Sámediggi dáinna doarjagiin lea mielde nannemin dán lotnolasdoaimma Unjárggas.

— Konseapta lea vuođđuduvvon ovttastahttit boazodoalu ja mátkeealáhusa. Dáinna lágiin šaddá dát fálaldat sihke miellagiddevaš ja gelddolaš turisttaide go ovttastahttá vásáhusaid mat leat čatnon boazodollui, lohká sámediggepresideanta Silje Karine Muotka.

Kate Johanne Utsi lea boazodoalli gii dáhttu álggahit mátkeealáhusa lassiealáhussan. Fitnodaga sajádat Várjjagis dahká ahte fálaldat lea geasuheaddji kundariidda geat ohcet vásáhusaid gelddolaš birrasiin.

— Sullasaš konseapta ii gávdno ovdalis, danin lea hui gelddolaš go Utsi lea hutkan ođđa fálaldaga, lohká Muotka.

Doarjja lea addon doarjjaortnegis máŋggabealálaš ealáhusat ja vuoruhemiid vuođul. Dán jagi vuoruhuvvojit eret eará doaimmat mat mearkkašahtti vuogi mielde lea ođasmahtti ja fitnodatovdánahtti ja doaimmat mat nannejit ealáhusaid vejolašvuođaid stuorrut ja alla barggolašvuođaovdáneami nu ahte olmmošlohku/fárren lassána.