- Sámedikkis lea bajimuš mihttomearrin ovddidit duoji boahtteáigásaš ja geasuheaddji ealáhussan. Ulbmiliid olaheami veahkkin lea láhčit dilálašvuođaid ja addit duojáriidda vejolašvuođa bargat iežaset dujiiguin. Dalle leat oktasaš duodjebájit deaŧalaččat dasa, dadjá sámediggeráđđi Berit Marie P.E. Eira.

Stuornjárgga Duodjesiida lea duodjesearvi mii eaiggáda ja jođiha duodjebáji Duodjesiida Vuopmegeažis Dielddanuori suohkanis. Searvvi ulbmil lea ahte bádji galgá leat olámuttus duodjái beaivválaš atnui, sihke dipmaduodjái ja garraduodjái. Ohcamušas cealká searvi ahte sii dán prošeavtta bokte galget láhčit sajiid gođđimii.

33 500 ruvdnosaš doarjja juolluduvvo Duoji ealáhusšiehtadusa bokte - Bajit.