Vuosttaš speallu dán ráiddus lei “Raanaa – Noaidenieida” ja almmuhuvvui 2019:s. Raanaa lea jálos noaidenieida, guhte veahkeha sin, geat leat váralaš dilis jiehtanasaid máilmmis. Sus leat noaidefámut ja

Mikkel Eskil Mikkelsen Åse M.P. Pulk/Sámediggi

sus lea magihkalaš gákti badjelasas mii dagaha su hui geahpasin.

Viđat spealus spealli stivre karaktevrra goalmmátpersovnna perspektiivvas jiehtanasaid máilmmis. Spealus spealli oahpásmuvvá sámi oskku, ipmiliid ja mytologiija elemeanttaiguin, ja maiddái norrøna mytologiijain. Dát lea innovatiivvalaš speallobuvtta, mas sámi ja norrøna mytologiija ja muitalusat kombinerejuvvojit.

Raanaa vánddarda vuoiŋŋaid máilmmiid čađa, maid inspirašuvdnan leat dološ sámi historjját ja mytologiijat, ja juohke episodas spealli galleda ođđa máilmmi.

– Sámedikki strategiija lea loktet sámegiela mánáid ja nuoraid gaskkas, ja dákkár digitála spealut leat dehálaččat. Mađi eanet mánát ja nuorat besset speallat sámegillii dađi buoret dat lea, lohká sámediggeráđđi Mikkel Eskil Mikkelsen.

Gažaldagaid vástida dahje jearahallama addá sámediggeráđđi Mikkel Eskil Mikkelsen (NSR),  mikkel.eskil.mikkelsen@samediggi.no