– Lea buorre oaidnit ahte mii sáhttit veahkkin doarjut Sámi ealáhuseallima. Mii sávvat ahte dát doarjagat leat mielde nanneme ja ráhkadeame ođđa vejolašvuođaid guoddevaš stuorrumii ja ovdáneapmái. Mii diehtit man dehálaš lea sihkkarastit bargosajiid ja árvoháhkama mas sámi kultuvra, árbevierut ja máhttu leat vuođđun, dadjá sámediggepresideanta Silje Karine Muotka (NSR).

Listu juolluduvvon doarjagiin:    

• Tana Båtforening oažžu 100 000 ruvnno ráhkadit sanitáravistti, doarjja addojuvvo mariidna ealáhusaid doarjjaortnega bokte.
• Jon Anta Eira Åhrén oažžu 41 000 ruvnno oastit drona, doarjja addojuvvo boazodoalu doarjjaortnega bokte.
•  Meavkki/Stuoranjárgga orohat oažžu 102 000 ruvnno oastit gumpi, doarjja addojuvvo boazodoalu doarjjaortnega bokte.
• Aile Hætta Kuhmunen oažžu 35 000 ruvnno kulturgaskkusteapmái, doarjja addojuvvo boazodoalu lassiealáhusaid doarjjaortnega bokte.
• Brita Sandvik Wilks oažžu 30 000 ruvnno kulturgaskkusteapmái, doarjja addojuvvo boazodoalu lassiealáhusaid doarjjaortnega bokte.