Čoahkkaneapmi lea oassi barggus oažžut sámi goikeguolleárbevieru UNESCO listii eahpeávnnaslaš kulturárbin. 

– UNESCO nominašuvnnain sáhttá álgoálbmogiidda dahje earáide geat orrot Sámis addit, riikkaidgaskasaš dohkkeheami goikeguollegeavaheamis mii sihkkarastá bisuhit báikkálaš resurssaid kultuvran ja biebmun maid sámit/álgoálbmogat máilmmis leat ovddidan ja viidásetfievrridan. Čoakkáldat sáhttá nannet sámi árbevieruid ja kulturárbbi, erenoamážit Finnmárkkus, dadjá sámediggepresideanta Silje Karine Muotka (NSR). 

Sii geat bohtet čoahkkaneapmái Čorgašii leat oasseváldit Norggas, Itálias, Nigerias, Islánddas ja Duiskkas. 

Dát čoahkkaneapmi šaddá leat 4. čoahkkaneapmi – ja vuosttaš Itália riikkarájáid olggobealde. Ovddit čoahkkaneamit leat leamašan dáid báikkiin: Cittanova (2023), Bassano del Grappa (2024) ja Torino (2024), gos oasseváldit earret eará mearrasámi bivdosearvvis Bivdus leat oasálastán. 

Čoahkkaneamis ovdanbuktá Bivdu ođđa organisašuvnna, Slowfood Mearra-Sápmi, mii galgá bealuštit álgoálbmotvuoigatvuođaid ja dearvvašlaš ja báikkálaš biepmuid olles Sámis. Erenoamážit mearrasámi guovlluin Norggas Trondheim-vuona rájes lullin, gitta Ruoššarájá rádjai davvin. Sii áigot maid oainnusindahkat álgoálbmot ja mearrasámi báikkálaš resursageavaheami Sámis, vuođuštuvvon birgejupmái, báikkálaš, riikkasis ja riikkaidgaskasaš gehččiide. 

– Sámediggi sávvá lihkku čoahkkanemiin, leat miellagiddevaš plánat loktet sámi biebmokultuvrra, dadjá sámediggepresideanta Muotka (NSR).