– Albma vásáhusat addet buriid vásáhusaid gussiide. Sámi kultuvra, biepmu ja árbevierru lea erenoamáš. Nu ahte dákkár áŋgiruššan Finnmárkku mátkeealáhusas lea riekta. Seammás lea maid dehálaš ahte dákkár áŋgiruššamat suodjalit kultuvrra, dadjá sámediggepresideantta Silje Karine Muotka (NSR). 

Prošeakta masa Visit Alta oažžu doarjaga leat gohčodan “Ovttas geasset. Seailluhit sámi kultuvrra gaskkusteami bokte”, ja golmma jagi badjel galget fuomášumit ođđa konseapttaide leat guovddážis, mat ovddidit sámi kultuvrra.  

Sámediggepresideantta čujuha ahte sámi mátkeealáhusas livčče stuora potensiála boahtte áiggis šaddat okta dain deháleamos ealáhusgeainnuin sámi guovllus. 

– Sámi kultuvra lea dehálaš resursa mátkeealáhusa ovdánahttimii. Guoddevaš álgoálbmotturisma sáhttá veahkehit ealáskahttit kultuvrra ja giela, máhtu ja rámi lasihit ja maiddái loktet árvvu sámi guovlluin, dadjá Muotka.  

Prošeavtta bokte áigu Visit Alta ovttasbargagoahtit sámi mátkeealáhusfitnodagaiguin guovllus ja maiddái geavahit olgguldas gelbbolašvuođa DjO-birrasiin ja hálddahusorganisašuvnnain sihkkarastindihte vuoi áimmahuššet sámi beroštumiid. Prošeakta galgá maid váikkuhit máilmmálaš veahkkálasbargui oláhandihte ON guoddevašmihttuid, mat fátmmastit kultuvra- ja luonddugáhttema, ja maiddái hukset geasuheaddji ja gába báikegottiid Finnmárkui.  

Ruhta boahtá “Doarjja regionálaovddidanprošeavttaide” ohcanvuđot ortnega bokte.