Kultur- ja valáštallanstipeanddain háliida Sámediggi loktet nuorra sámi taleanttaid ja váikkuhit dasa ahte eambbogat ožžot vejolašvuođa ovddidit iežaset dáidaga, kultuvrra ja valáštallama. Ortnet galgá maiddái váikkuhit dasa ahte movttiidahttit sámi dáidda-, kultur- ja valáštallandoaimmaid. 

Dán jagi juhkkojuvvojit njeallje 50 000 ruvdnosaš stipeandda. Dainna lea Sámediggi duppalastán stipeandda dan ektui maid ovdal lea juolludan. Sihke nieiddat ja gánddat ávžžuhuvvojit ohcat. 

– Mii leat hui ilus go dán jagi sáhttit lasihit stipeandda 25 000 ruvnnus 50 000 ruvdnui. Mii diehtit ahte gávdnojit ollu nuorra sápmelaččat geain lea nana dovddaheapmi ja stuorra áŋgiruššan/beroštupmi. Dát stipeanda lea investeren sin boahtteáigái ja sámi servodaga kultuvrralaš ja valáštallanovdáneapmái, dadjá sámediggeráđđi Paul Bendikk Jåma (NSR). 

Ohcanáigemearri lea skábmamánu 15. beaivvi 2026. Ohcamat mat leat sáddejuvvon dán beaivvi maŋŋá, eai meannuduvvo. 

Loga eambbo stipeandda birra dás: Sámedikki kultur- ja valáštallanstipeanda