– 7 miljovnnain ruvnnuin oahpponeavvuide mii fuolahit dan ahte sámi mánát ožžot eanet digitála oahpponeavvuid ja girjjiid sámegillii. Mii vuoruhit maid 1,1 miljovnna ruvnno lasáhusa giellaprošeavttaide, mas mii sávvat sáhttit vuoruhit earret eará sámi appaid ráhkadeami, dadjá sámediggeráđđi Runar Myrnes Balto (NSR).
Duohtavuođa- ja soabahankommišuvdna bidjá ovdan iežas raportta geassemánu 1. beaivvi. Sámediggeráđđi vuoruha oktiibuot 1 miljovnna ruvnno dasa ahte ásahusat ja organisašuvnnat galget sáhttit ráhkadit deaivvadanbáikkiid gos digaštallet raportta sisdoalu.
– Mii sávvat ahte olles sámi servodat galgá sáhttit searvat ságastallamiidda raportta birra. Danne sávvat ahte nu máŋggas go vejolaš geavahit dán vejolašvuođa, ja mii áigut fargga almmuhit movt galgá ohcat doarjaga, dadjá Myrnes Balto.
Sámediggeráđđi árvala nannet Sámedikki barggu válgačađahemiin ja válgajienastusloguin ovttain virggiin.
– Mii evttohit vuoruhit 1 miljovnna ruvnno bušeahtas dainna lágiin ahte mii nannet jienastuslogu barggu. Válgajienastuslogu ohcamušaid stuora lassáneapmi dahká ahte dát lea dál dárbbašlaš, dadjá sámediggeráđđi Myrnes Balto.
Sámediggi lea stáhtabušeahtas ožžon 2,1 proseantta lassáneami gokčat eahpedábálaš bálká- ja haddegoargŋuma 2023:s.
– Dat dahká midjiide vejolažžan addit buot ásahusaide ja njuolggodoarjjavuostáiváldiide Sámedikki bušeahtas 2,1 proseantta lassáneami, nu ahte dat sáhttet joatkit dan doaibmadási mii sis lei 2022:s, loahpaha Myrnes Balto.
Loga: Sametingets reviderte budsjett 2023 - Sametingsrådets forslag til innstilling (PDF, 714 kB)
Bajilgovva buot vuoruhemiin sámediggeráđi Sámedikki 2023 reviderejuvvon bušeahttaevttohusas:
- 2,1 % haddelassáneami buot ásahusaide ja njuolggodoarjjavuostáiváldiide
- 7 milj. ru. oahpponeavvuide. Mii bidjat 2 milj. ru. lassin dan 5 milj. ru. maid ráđđehus juolluda oahpponeavvuide
- 1,1 milj. ru. giellaprošeavttaide
- 750 000 ru. gievrras giellaoahppanmodeallaid prošektii
- 400 000 ru. skuvlaovddidankonferánsii
- 1 milj. ru. ohcanvuđot ruhtan deaivvadanbáikin digaštallat Duohtavuođa- ja soabahankommišuvnna raportta sisdoalu
- 1 milj. ru. Åarjelhsaemien Teatereii
- 900 000 ru. Saemien Sijte viessoláigelassáneapmái
- 200 000 ru. Saviomusea vejolašvuohtaiskkadeapmái
- 600 000 ru. bargui bihtánsámi kulturmuittuiguin
- 300 000 ru. Onteriviesu divodeapmái Skoltebyenis
- 350 000 ru. Sámedikki kulturmuitobarggu nannemii
- 400 000 ru. gokčat SÁNAGa Fovse-akšunisttaid debriefa ja 100.000 ru. gokčat Oslo Sámi Viesu goluid akšuvnnaid oktavuođas
- 500 000 ru. Sámedikki nuoraidpolitihkalaš lávdegoddái (SáNuL) lágidit nuoraidkonferánssa
- 1 milj. ru. Árrana oasuskapitálii
- 1 milj. ru. Sámedikki válgga ja válgajienastuslogu hálddašeapmái
- 600 000 ru. válgajienastuslogu guorahallamii
- 500 000 ru. fágalávdegottiide vai sis sáhttá seamma doaibmadássi go 2022:s
Jearahallama addá ja gažaldagaid vástida sámediggeráđđi Runar Myrnes Balto (NSR), tel +47 977 73 778, runar.myrnes.balto@samediggi.no