Mikkel Eskil Mikkelsen Vaino Rensberg, Sámediggi

Ulbmil dáinna prošeavttain lea gávdnat, registreret, govvet, báddet nu ollu sámi báikenamaid maid lea vejolaš gávdnat Várjjatnjárggas, Nuorta-Finnmárkkus. Dát báikenamat galget biddjot neahttasiidui https://www.báikenamat.no/.

Dasa lassin galgá ráhkaduvvot applikašuvdna (app).

– Sámediggái lea dehálaš doarjut báikenammaprošeavtta vai báikenamat Várjjaga guovllus seilot boahtteáigái, seammás go báikenamaide lea álki oahpásmuvvat appa bokte, lohká sámediggeráđđi Mikkel Eskil Mikkelsen (NSR).

Yngve Johansen lea ovdal registreren sámi báikenamaid sihke Bearalvági ja Unjárgga gielddain. Dáid gávdná sihke sierra CDs ja neahttasiiddus https://www.báikenamat.no/.

Báikenammaprošeavtta lea maiddái FEFO dorjon.

Prošeakta lea ruhtaduvvon doarjjaortnega Dokumenterendoaimmat bokte.

Jearahallama addá sámediggeráđđi Mikkel Eskil Mikkelsen (NSR), mikkel.eskil.mikkelsen@samediggi.no