Bare Tara AS Reaisvuonas lea ožžon 268 000 ruvnno oastit guollefatnasa ja -reaidduid. Dát lea ođđa fitnodat, mii galgá bivdit guliid ja reappáid. Áigu guolástit ovddemusat Várjjatvuonas, ja bása lea Buođggáin.  

Grønnum Fisk AS Láhpis lea ožžon 300 000 ruvnno oastit guollefatnasa ja -reaidduid. Fitnodat áigu bivdit eanaš dorski ja báldá.  

Reaisvuonna lea okta dain guovlluin Mátta-Várjjat gielddas mii lea Sámedikki ealáhusovddideami doarjjadoaibmaguovllus. Maiddái Láhppi lea doaibmaguovllus.

– Mii leat ilus go sáhttit doarjut guokte ođđaásaheami guolástanealáhusas, dadjá sámediggepresideanta Silje Karine Muotka (NSR).

Doarjagat lea addon Sámedikki doarjjaortnegis mariidnaealáhusaide. Dán jagi leat boahtán olu ohcamušat dán doarjjaortnegii.

– Mii dulkot dán mearkan ahte ealáhusas lea optimisma ja boahtteáiggejáhkku. Min mihttu lea ahte doarjagat maid mii juolludit galget bisuhit ja nannet barggolašvuođa sámi guovlluin mearragáttis, dadjá Muotka.