Silje Karine Muotka Árvu/Sametinget

Fitnodat áigu doaimmahit leairaskuvlla Sievjjus, Álttá suohkanis. Lea dárbu ođasmahttit vai ollašuhttá gáibádusaid mat gáibiduvvojit dakkár lágan doaimmain.

Sámediggi lea addán doarjaga máŋggabealálaš ealáhusaid ortnega bokte. Altneset, Sievjjus, lea Sámedikki doaibmaguovllu siskkobealde. Ruđat galget adnot prošeavttaide mat loktejit doaibmaguovllu árvoháhkama ja bargodilálašvuođa.

Seiland House bargá dál mátkkoštandoaimmaiguin, ja leairaskuvla livččii lassi doaibma sihkkarastin dihtii birrajagi doaimmaid ja bargosajiid Altnesetis. Plána lea álggahit Čoalmmenuori leairaskuvlla bistevaš fálaldahkan Álttá suohkana skuvllaide, ja maŋŋel maiddái guovllu eará suohkaniidda.

Seiland House AS mihttun lea čájehit báikkálaš mearrasámi árbevieruid ja kultuvrra oassin leairaskuvlafálaldagas.

– Lea hui buorre go háliidit čájehit mearrasámi árbevieruid ja kultuvrra ođđa leairaskuvlafálaldagas. Seammás lea nu ahte go juolludit doarjaga máŋggabealálaš ealáhusaid ortnegis, de deattuhit eanemusat ahte prošeakta buktá bargovejolašvuođaid ja árvoháhkama doaibmaguovllus. Go juolludit dán mađe stuorra supmi, de čájehit ahte mii jáhkkit ahte Seiland House buktá bistevaš bargosajiid Altnesetis, dadjá sámediggepresideanta Silje Karine Muotka (NSR).

Jus leat jearaldagat dahje áiggut jearahallat, váldde oktavuođa sámediggepresideanttain Silje Karine Muotka, tlf: +47 984 87 576​​​​​, silje.karine.muotka@samediggi.no