– Mii leat ilus doarjut doaimmaid mat nannejit ealáhusvuođu Sámi guovlluin, ja mat leat lotnolassan ođđajurddašemiin ja árbevirolaš doaluin. Ollu boanddat geavahišgohtet sihke báikkálaš máhtu ja ođđa teknologiija iežaset eanandoaluid. Sii čájehit ealjáris áŋgiruššama ja dáhttu doaimmaid álggahit ja bargosajiid báikkálaččat, dadjá sámediggeráđđi Elisabeth Erke.

Doarjja lea juolluduvvon Sámedikki juolludanortnega Eanadoallu, gilvvagárdegeavaheapmi ja meahccegeavaheapmi bokte.

Dáidda juolluduvvo doarjjá:

• Vang gård DA, Hansnes oažžu 500 000 hukset doaibmavisti vuostávuoššahagain ja molssodanlanjain. Mihttun lea eanebuš fitnet go mielkki buvttada ja ásahit lasi bargosajiid.
• Brenngam gård, Dáigevuonna oažžu 288 000 stuoridit sávzanáveha mii lea máilmmi davimus sávzadoalus. Go viiddida de sáhttá lasihit dálvesávzalogu 120is 200ái.
• Ronald Nordheim, Selnes oažžu 100 000 oastit čáhcerišahanreaidduid. Dát addá vejolašvuođa buorebut ávkkástallat muhkkis,  geahpede suođđama ja boaldámušgeavaheami, ja geahpeda gietti gollama.
• Mikael Østerholm, Ráisa oažžu 39 000 oastit drona. Sus lea sávzadoallu ja áigu drona geavahit duođaštit boraspiriide manahan sávzzaid ja buoret bajilgova boraspiriin guohtonguovllus.
• Leif Erik Varsi, Sirbmá oažžu 36 000 oastit elektrovnnalaš sávzabielluid. Sus lea sávzadoallu ja áigu daid geavahit eastadit boraspiriide manahit sávzzaid  ja  duođaštit boraspiriide manahan sávzzaid.