Sámediggi kantuvra rahpan Stuoradikkis Stuoradikki direktevra Kyrre Grimstad ja sámediggedirektevra Kent Valio rabaiga virggálaččat Sámedikki kantuvra Stuoradikkis duorastaga skábmamánu 12. b Rahpan dáhpáhuvai juste guokte jagi maŋŋelgo Stuoradiggi meannudii Duohtavuođa- ja soabahankommišuvnna raporta. Kantuvra lea leamašan doaimmas borgemánu rájes, ja maŋŋel álggahanáigodaga lea dat dál virggálaččat rahppon. – Positiiva lasáhus Stuoradiggái– Sámedikki guokte bargi leaba juo leamašan dáppe muhtin áiggi, ja soai leaba leamašan positiivvalaš váikkuheaddjin Stuoradiggái. Soai leaba láhčán dili sin politihkkariidda dili go leat čoahkkimat Stuoradikkis, ja leaba doaibmán nugo oktavuođaolmmožin Stuoradikki lávdegottiide ja bellodatjoavkkuide. Soai leaba dáppe, ja sáhttiba fáhtet áššiid ja proseassaid gos sámi beroštumit váikkuhuvvojit. Ja soai sáhttiba gaskkustit máhtu sámi vuoigatvuođaid ja beroštumiid Stuoradikki mearridanproseassaide, logai Stuoradikki direktevra Kyrre Grimstad rahpama oktavuođas. – Dainna unnu gaskka min guovtti parlameantta gaskka, vaikko lea gal 1700 km gaskka, lasihii son. – Čielga dohkkeheapmi– Odne mii eat dušše ávvut ahte Sámedikkis lea ođđa kantuvra: Dán ahte Sámedikkis lea dál bissovaš sajádat Stuoradikkis, lea čielga dohkkeheapmi Sámedikki saji ja rolla Norgga demokratiijas. Lea dohkkeheapmi Stuoradikki geatnegasvuođas váldit Sámedikki mielde áššiin mat sáhttet váikkuhit sámi beroštumiide. Ja dat lea dehálaš lávki ollašuhttit Sámedikki ja Stuoradikki oktasaš dáhtu lagat ovttasbargui boahtte áiggis, logai sámediggedirektevra Kent Valio rahpamis. Geahčá govaid rahpamis: Almmuhuvvon 16.11.2026 16.15 Maŋemusat rievdaduvvon 16.11.2026 16.19