Ovdal sáhtii oažžut gitta 400 000 ruvnno doarjjan regionálaovddidanprošeavttaid doarjjaortnegis ja 500 000 ruvnno máŋggabealálaš ealáhusat doarjjaortnegis.

Sámediggepresideanta Silje Karine Muotka Ørjan Marakatt Bertelsen

– Go lasihit dan maksimála doarjaga 800 000 ruvdnui dáin doarjjaortnegiin, de sáhttit addit mearkkašahtti olu doarjaga prošeavttaide mat váikkuhit positiivvalaš ovdáneapmái sámi servodagas, dadjá sámediggepresideanta Silje Karine Muotka (NSR).

Sáhttá ohcat doarjaga prošeavttaide mat ovddidit sámi giela, kultuvrra ja servodateallima dain fylkkagielddain/-suohkaniin dahje gielddain/suohkaniin main Sámedikkis lea ovttasbargošiehtadus. Gáibiduvvo searveruhtadeapmi dainna fylkkagielddain dahje gielddain gos prošeakta galgá čađahuvvot.

Regionálaovddidanprošeavttat doarjjaortnegis lea rabas ohcanáigemearri gitta skábmamánu 1. b. 2025 rádjai, dii. 15.30, ja máŋggabealálaš ealáhusat doarjjaortnegis lea rabas ohcanáigemearri gitta skábmamánu 3. beaivvi 2025 rádjái, dii. 15.30.

– Mii ávžžuhit buohkaid geain leat plánat maid háliidit čađahit, sáddet ohcamuša midjiide, dadjá sámediggepresideanta.

Eanet dieđut doarjjaortnegiid ja ohcanvuogi birra:

Les mer om tilskuddsordningen regionalutviklingsprosjekter 

Les mer om tilskuddsordningen variert næringsliv