Sámediggi lea juolludan 200 000 ruvnnu Sunna Utsii almmuhit ođđa musihka Sámediggi lea juolludan 200 000 ruvnnu Sunna Utsii almmuhit ođđa musihka. – Sunna Utsi lea miellagiddevaš artista ja lea okta dain taleanttain gean maid bovdejit festiválaide. Utsi Maja Kristine Jåma Åse M. P. Pulk/Sámediggi čalmmustahttá máŋggabealatvuođa, searvadahttima ja dásseárvvu ja mun illudan guldalit ja oaidnit eanet sus bohtteáiggis, lohká Sámediggeráđđi Maja Kristine Jåma. Sunna Utsi lea máŋgii oasálastán Sámi Grand Prixas (SGP), ja su lávlagat leat almmuhuvvon SGP musihkka CD:in. Go NRK Sápmi ovttas NRK P3in lágidedje musihkkagilvvu “NRK Urbi” jagis 2018:s, de bođii Utsi nubbin. Seamma jagi válljejuvvui son čuojahit Feedbach konseartas ovttas Maria Solheimain, Frode Bjørnstad ja Jarle Savion. 2020:s almmuhii iežas EP “Láhppan iežan” mainna vuittii riikaviidosaš demogilvvu ja son vuittii maid stipeandda ja oasseváldima 2021 Feminalenis Troandemis. Šuokŋa nominerejuvvui dasa lassin dán jagi šuokŋan Sámis. Dát lea Sunna vuosttaš solo- álbuma ja galgá produserejuvvot ovttas Stein Austrudain gii lea leamašan mielde produseremin máŋga eará sámi artisttaid. Dát doarjja juolluduvvo luohti ja sámi musihka suorggis Jos lea gažaldagat dahje háliidat jearahallat, de váldde oktavuođa Maja Kristine Jåmain, e-poasta: maja.kristine.jama@samediggi.no Almmuhuvvon 10.10.2022 08.07 Maŋemusat rievdaduvvon 31.05.2024 14.18