Sámediggi lea juolludan 250 000 fanasgávpái

Sámediggi lea juolludan 250 000 fanasgávpái

Mariell Celine Simonsen lea ožžon 250 000,- doarjaga Sámedikkis oastit vuosttaš fatnasa. Sus lea bargohárjáneapmi guolásteamis, muhto sus ii leat leamaš iežas fanas ovdal. Mariell Simonsen lea riegádan 1994:s ja orru Svendsbyas Ivgu suohkanis.

– Illudahttá min váikkuhit guolásteddjiid háhkamii. Dat lea dehálaš sihkkarastin dihte ássama ja árvohuksema mearrasámi guovlluin, dadjá Sámediggepresideanta Silje Karine Muotka.Silje Karine Muotka Åse M. P. Pulk/Sámediggi  

Sámediggi doarju ásahemiid Sámedikki doaibmaguovllu siskkobealde (SNT-guovlu) daidda geat áigot oastit vuosttaš fatnasa. Maŋimus áiggiid lea Sámediggi maiddái ruhtadan máŋga nissonguolásteaddji.

– Dán rádjái dán jagi leat njeallje oktanuppelogi doarjagiin guolástanfatnasiidda leamaš easkaálgi nissonat. Dát lea hui illudahtti statistihkka. Mii sávvat ahte sohkabealledássetvuođatreanda joatká ealáhusas, loahpaha Muotka. 

Sámediggepresideanta Silje Karine Muotka (NSR)  vástida gažaldagaid ja addá jearahallama, silje.karine.muotka@samediggi.no