- Lea dehálaš buvttadit oahpponeavvuid buot golmma sámegillii, dárbu ođasmahtton ja áigeguovdilis oahpponeavvuide lea stuoris. Lean duhtavaš go vuoruhuvvojit oahpponeavvut sihke vuosttaš- ja nuppegielagiidda,
Mikkel Eskil Mikkelsen
Vaino Rensberg, Sámediggi
dadjá sámediggeráđđi Mikkel Eskil Mikkelsen.
Dál buvttadišgoahtit oahpponeavvuid lullisámegiel fágas 1. - 4. ceahkkái, julevsámegiel nubbingiellan vuođđooahpahussii ja davvisámegiella nubbingiellan joatkkaskuvladásis.
- Dál leat earet eará vuoruhan prošeavttaid mat gárvánit vuollel guovtti jagis. Mii oaidnit ja gullat hui dávjá ahte sámi oahpaheaddjit ja váhnemat moitet go eai leat doarvái oahpponeavvut. Sámediggi lea erenoamáš duhtavaš go digitála prošeavttat plánejuvvojit gárvánit vuollel guovtti jagis, dadjá Mikkelsen.
Šállošit go dán jagi eai leat boahtán ohcamat visot vuoruhuvvon sámegielfágaide. Mii eat leat ožžon ohcamiid lullisámegilli nubbingiellan gaskadássái, ja julev- ja davvisámegillii nubbingiellan fidnofágalaš suorgái. Danin lea hui buorre go dat ohcamat mat leat boahtán, leat nu buorit ahte lei vejolašvuohta doarjut daid.
Sámediggi lea maid duhtavaš dainna go dán jagi lea leamašan vejolašvuohta juolludit doarjaga sámegiella ovdáneapmái ohppiide geain lea erenoamáš dárbbut skuvllas. Sidjiide lea erenoamáš dehálaš ahte oahpponeavvut leat sámegillii, ja dárbu dán fágasuorggis lea stuoris.
Sámediggi lea maid juolludan doarjaga oahpponeavvoprošektii servodatfágas, dan hui áigeguovdilis fáddái; neahttageavaheapmi. Oahpponeavvu lea davvi-, julev-, ja lullisámegillii.
Sámediggi lea ráhkadeame ođđa mihtuid ja strategiijaid oahpponeavvo ráhkadeapmái, mii boahtá dálá oahpponeavvo doaibmaplána sadjái. Lea dehálaš dovdat makkár dárbbut leat skuvllain, ja árvvoštallat ođđa doaimmaid mat beaktilmáttet oahpponeavvobuvttadeami. Dát plána galgá válbmanit dan jagi loahpas.
| Vuoruheamit |
Giella |
Tittelat |
Ohccit |
Juolludeamit |
| Samfunnsfag 5.-7. årstrinn |
ds/js/ås |
Oversette og tilpasse Redd Barnas
undervisningsmateriell – Hva ville du gjort? Diskusjonskort om nettvett,
5.-7. trinn |
Redd Barna |
363 000 |
| Samisk som førstespråk 1.-4. årstrinn |
ds/js/ås |
skole.samiskeventyr.no Fase 3 |
Miksapix Interactive AS |
980 000 |
| Sørsamisk som førstespråk 1.-4.trinn |
ås |
LearnLab AS |
|
6 000 000 |
| Samisk som andrespråk - samisk 3 nivå 1-3 |
js |
Vuostasj - nælját lávkke |
ABC-COMPANY E-SKUVLA AS |
1 698 000 |
| Dássemolsašumi animašuvnnat |
ds |
|
ABC-COMPANY E-SKUVLA AS |
983 000 |
| Digitála oahpponeavvu sámegiela álgooahpahussii |
ds |
|
BÁRUS SA - SAMISK FORLAG |
518 000 |
Grunnleggende opplæring i nordsamisk som første,
andre og tredjespråk, 1.- 3. årstrinn |
ds |
|
SOLUM BOKVENNEN AS |
1 739 000 |
Jearahallama ja gažaldagaid vástida Mikkel Eskil Mikkelsen (NSR), tel. +47 917 42 161, mikkel.eskil.mikkelsen@samediggi.no