Sámediggi lea juolludan doarjaga guovtti fitnodahkii Davvi-RomssasSámediggi lea juolludan váile 500 000,- doarjaga guovtti fitnodahkii Davvi-Romssas. Mátkeealáhusfitnodat Arctic Event Balsfjord AS Muotkejávrris, lea ožžon 239 000,- doarjjan Sámedikkis. FitnodagaSilje Karine Muotka Åse M. P. Pulk/Sámediggi eaiggáduššá Eindride Hansen ja fitnodat fállá idjadeami, biepmu ja aktivitehtavuđot turismma Báhccavuona suohkanis. Ruđaid galget geavahit buoridit fitnodaga kapasitehta fállat biepmu ja hukset ođđa hivssetfasilitehtaid fitnodaga vissui. Troms Blikkenslager AS oažžu 258 000,- doarjjan hukset ođđa divohaga. Fitnodaga eaiggáduššá Daniel Østerholm Skorpen ja lea Hánssagiettis Ráissas. Prošeakta galgá veahkehit fitnodaga ovdánahttit fálaldaga ja nu ahtanuššanvuođu stuorrudit fitnodaga. – Mii leat ilus go sáhttit doarjut dáid fitnodagaid doarjagiiguin ja jáhkkit dáid prošeavttaid háhkat árvohuksema ja eanet bargosajiid Sámedikki doaibmaguvlui, lohká Sámediggepresideanta Silje Karine Muotka. Doarjja boahtá ortnegis doarjja máŋggabealat ealáhusaide. Jus jearahallat háliidat, de váldde oktavuođa sámediggepresideantan, silje.karine.muotka@samediggi.no Almmuhuvvon 28.06.2022 11.13 Maŋemusat rievdaduvvon 14.07.2023 14.09