Sámediggeráđđi váikkuha dáinna doarjjaortnegiin ahte sámi skuvllat, gos leat oahppit geain lea sámegiella fágan skuvllain galgá vejolašvuohta čađahit oahpahusdoaibmabijuid sámi árbemáhtu birra iešguđetlágan surggiin. Doarjaga mihttu lea ahte oahppit galget beassat oasálastit doaimmain čatnon sámi árbevirolaš máhttui, doppe lea prošeavttaiguin čiekŋudeapmi gos čiekŋudit fáttáide fágaid rastá, juoga mii lea fágaođasmahttima vuordámušaid mielde.

- Sámediggeráđi mielas lea buorre go skuvlajođiheaddjit láhčet dili dakkár doaimmaide gos oahppit

Mikkel Eskil Mikkelsen Vaino Rensberg, Sámediggi

ožžot praktihkalaš oahpahusa sámi árvvuid ja giela vuođul. Oahppit ožžot prošeavttaid bokte maid oasálastit doaimmain čatnon sámi árbevirolaš máhttui, gos gelbbolašvuođasirdin boarráset sámi buolvvas dávjá lea dehálaš oassi prošeavttas, dadjá sámediggeráđđi Mikkel Eskil Mikkelsen (NSR). 

Návuona suohkana Mánáid- ja nuoraidskuvlla doaibma lea okta dain mii lea ožžon doarjaga. Nu go Návuona suohkan mii lea máŋga orohaga ja boazoeaiggáda geasseorohat, lea maid doaibma dehálaš huksen dihte eambbo gierdavašvuođa iešguđetlágan eallinvugiide. Doaibma váikkuha maid dasa ahte oahppit besset vásihit ja oasálastit árbevirolaš sámi doaimmain, juoga mii hukse sihke máhtolašvuođa, ipmárdusa ja sáhkkiivuođa.

Doarjagat leat juolluduvvon doarjjaortnegis Árbevirolaš máhttu vuođđooahpahusas. Ortnegis lea rabas ohcanáigemearri ja ohcamat meannuduvvojit dađistaga.

Gažaldagaid dahje jearahallama addá sámediggeráđđi  Mikkel Eskil Mikkelsen (NSR), mikkel.eskil.mikkelsen@samediggi.no