Silje Karine Muotka Ørjan Marakatt Bertelsen/Sámediggi

– Hui buorre lea sáhttit doarjut ealáhusdoaimmaid Sámis. Mii sávvat ahte ruhta duddjo vejolašvuođaid ovdánit. Go investeret sámi kultuvrii ja máhttui, de bidjat vuođu ceavzilis boahtteáigái min iežamet árvvuid ja árbevieruid vuođul, dadjá sámediggepresideanta Silje Karine Muotka (NSR).

Doarjagat mat leat juolluduvvon sámi mátkeealáhusaid, hutkás ealáhusaid ja sámi biepmuid doarjjaortnegis:

• Boazovázzi AS oažžu 136 000 ruvnno konseaptaovddideapmái ja mearkagálvohuksemii.
• Árvu AS oažžu 60 000 ruvnno sámi govvavurkenbáŋkku almmuheapmái ja promoteremii.
• Event-Tyrlig Holding AS oažžu 80 000 ruvnno sámi vásáhusaid ovddideapmái Dielddanuori suohkanis.
• MjHuuva Maret Johanna Huuva oažžu 112 000 ruvnno oasussearvvi Aimi of Sápmi AS – The Exclusive Sápmi for You ásaheapmái.
• Møteplass Kvænangen AS oažžu 400 000 ruvnno biebmovásáhusaid ja gávnnadanbáikki Alteidet House ovddideapmái.
• Nils Joná Påve-Gaup oažžu 185 000 ruvdnosaš álggahandoarjaga ođđa fitnodahkii mii ovddida lassibuktagiid bohccos.
• Nordlándda fylkkasuohkan oažžu 384 000 ruvnno oktasaš davvinorgalaš oassálastima várás Internationale Grüne Woche 2025 meassuin.
• Porten til Nord-Norge AS oažžu 273 000 ruvdnosaš doarjaga gizzunpárkka ovddideapmái mas lea lullisámi fáddá.
• Reinsamene’s Leir AS oažžu 106 000 ruvnno mátkeealáhusfitnodaga Mávggá viidásetovdánahttimii.