Virgái sáhttet maiddái biddjot eará barggut mat gullet Sámedikki doibmii. Sáhttá maid šaddat dárbu meannudit áššiid.
Galli virggis lea sáhka, vuolgá das das man olu olggobeale bargu/gieddebargu galgá čađahuvvot 2026:s. Mii maiddái eaktudit rievdadusaid plánemis. Virggit leat gaskaboddosaččat, ja eatnasat álget virgái gaskal miessemánu ja suoidnemánu 2026.
Gieddejođiheaddjevirggiid ja gieddeveahkkebargivirggiid áigodat lea dábálaččat 1-5 mánu, main lea vejolašvuohta guhkidit šiehtadusa. Bargobáikin lea okta Sámedikki kántorbáikkiin Várjjagis, Romssas dahje Snoasas dahje eará sajis goas lea Sámedikki kantuvra. Sámedikki bargit fertejit rehkenastit ahte lea mátkkošteapmi bargosuorggis.
Barggut
Gieddejođiheaddjit
Bargui gullá sámi kulturmuittuid registreremii áigeguovdilis plána- ja areálaáššiid oktavuođas. Dasa lassin gullá raportabargu, sihke barggu vuolde ja maŋŋá gieddebarggu, ja kulturmuitodieđuid bidjan nationála kulturmuitodiehtovuđđui. Jus čuožžila dárbu ja kapasitehta gávdno, de sáhttá maiddái leat oassin áššemeannudit plána- ja areálaáššiid guoskevaš kántorbáikkis. Čális vuoruhuvvon kánturbáikki ohcamis.
Gieddeveahkkebargit
Gieddeveahkkebargit galget leat mielde gieddebargguin ja registreret sámi kulturmuittuid áigeguovdilis plána- ja areálaáššiid báikediđoštallama oktavuođas. Dasa lassin gullá raportabargu maŋŋá gieddebarggu loahpaheami ja kulturmuitodieđuid bidjan nationála kulturmuitodiehtovuđđui. Jus čuožžila dárbu ja kapasitehta gávdno, de sáhttá maiddái leat áigeguovdil áššemeannudit plána- ja areálaáššiid guoskevaš kántorbáikkis. Čális vuoruhuvvon kánturbáikki ohcamis.
Gelbbolašvuohta
Gieddejođiheaddjiide
Mastergráda arkeologiijas dahje vástideaddji relevánta fágasuorggis. Kandidáhtat geain lea unnimusat bachelorgráda dahje vástideaddji, ja unnimusat 5 jagi relevánta bargohárjáneapmi fágasuorggis, sáhttet árvvoštallojuvvot. Gáibiduvvo bargohárjáneapmi kulturmuittuid registreremis ja GPS geavaheamis, ja maiddái geavaheamis ja čáliheamis Askeladden nammasaš nationála kulturmuitodiehtovuđđui. Gáibiduvvo máhttu sámi kulturmuittuid birra. Sávvat vásáhusa GIS ja CPOS geavaheamis.
Gieddeassisteanttaide
Gáibiduvvo alit oahppu arkeologiijas dahje vástideaddji bachelordásis. Unnimusat 3 jagi relevánta bargohárjáneapmi sáhttá buhttet oahppogáibádusa veaháš. Relevánta bargohárjáneapmi árvvoštallojuvvo maiddái. Det er ønskelig med erfaring med bruk av GIS og CPOS, kjennskap til samiske kulturminner og kulturminneregistrering, og bruk og innlegging i den nasjonale kulturminnedatabasen Askeladden.
Lea sávahahtti:
- Vásáhus GIS ja CPOS geavaheamis
- Máhttu sámi kulturmuittuid ja kulturmuitoregistreremiid birra
- Máhttu geavahit ja sisabidjat nationála kulturmuitodiehtovuđđui Askeladden:i
Oppalaččat buot virgkategoriijaide:
- Gáibiduvvo B-klássa vuodjinkoarta.
- Lea sávahahtti ahte leat ohccit geat leat meahcis hárjánan ja geat sáhttet idjadit tealttás dahje sullasaččas.
- Lea sávahahtti lea ahte lea gelbbolašvuohta sámegielas ja diehtu sámi servodatdiliid birra.
Viidáseappot deattuhuvvojit persovnnalaš iešvuođat nugo:
- Nákca bargat iešheanálaččat, beaktilit ja struktuvrralaččat
- Buorit ovttasbargo- ja gulahallannávccat
- Buorit njálmmálaš ja čálalaš ovdanbuktinnávccat
- Heivehannákca ja bálvalusdáhtolaš
Gelbbolašvuođa árvvoštaladettiin deattuhuvvo oahppu, bargoduogáš, persovnnalaš heivvolašvuohta ja bargomiella virgái. Muđui čujuhat stádabargiidlága §3 - kvalifikašuvdnaprinsihppa.
Loga eanet virggiid birra ja oza virggiide Karrieresiiddus