— Mii sávvat lihkku áŋgiris giellabargiide geat beaivválaččat leat mielde ovdánahttimin lullisámegiela. Gudnebálkkašumi árvu lea 600 000 ruvnnu, de lea dát hui ávkin Saemien Sijtii, dadjá sámediggeráđđi Mikkel Eskil Mikkelsen.

Lullisámi giellabargit leat bures bargan giella ovddidemiin ja leat systemáhtalaččat ja strategalaččat bargan oainnusin dahkat lullisámegiela. Máŋggas dáin giellabargiin barget eaktodáhtolaš dásis, muhto leat vuoruhan giellabargguid ovdáneami bohtosiiguin mo ealáskahttet ja nannejit giela. Leat bidjan ollu návccaid giellaealáskahttimin, ja ahte mánáin lea oahppofálaldat lullisámegielas.

Sámedikki mielas lea buorre go Saemien Sijte oažžu dán ánssu ja dákkár stuorra ruhtasumiin de besset bargat viidáset giellaguovddážiiguin.

Norggabealde de Sámediggi addá doarjaga dáidda giellaguovddážiidda, Gïelem Nastedh Snoasas, Gielearnie Raavrevijhkes, Aajege Plaassjas og Sijti Jargne Aarbortes.