Sámediggi sirdá 22,7 miljovnna ruvnno sámi servodaga dárbbuid dustema dihteSámediggeráđđi lea 2024:s sirdán oktiibuot 22 703 400 ruvnno bušeahtas. Rehketdoallu čájeha ahte ollu surggiin lea báhcán ruhta geavatkeahttá, mii dál juogaduvvo rievdan dárbbuid ja vuoruhemiid mielde.Sámediggeráđđi lea sirdán ruđa surggiide main leat stuorámus dárbbut. Daidda gullet giella, bajásšaddan, oahpahus, biras, ealáhusat, kultuvra ja dearvvašvuohta, ja buot daidda surggiide lea lasihuvvon ruhta.– Ruđa sirddašeapmi lea dárbbašlaš min servodaga dárbbuid dustema dihte. Mis lea geatnegasvuohta doarjut doaimmaid mat ovddidit sámi gielaid, kultuvrra ja servodatovdáneami, dadjá sámediggeráđđi Runar Myrnes Balto (NSR).Ohcanvuđot ortnegiidda eambbo ruhtaMáŋgga ohcanvuđot ortnegii mat leat rabas buohkaide, lasihuvvo ruhta sirdima maŋŋel. Alitoahpu giellastipendii lea 440 000 ruvnno lasáhus, ja rámma lea de oktiibuot 840 000 ruvnno. Mariidnaealáhusaid ortnegii lasihuvvo 1 400 000 ruvdno, ja de lea rámma oktiibuot 4 100 000 ruvnno. Boazodoalu ortnegii Sámediggi lea lasihan 2 050 000 ruvnno, ja dan rámma lea de oktiibuot 3 800 000 ruvnno.– Mii leat vuoruhan lasihit ruđa ohcanvuđot ortnegiidda maidda lea stuora beroštupmi. Dat galgá sihkkarastit ahte bušeahtta lea buorrin sámi servodahkii dan vuođul gos leat stuorámus dárbbut, čilge Myrnes Balto. Tabealla mii čájeha sirdimiid 2024 bušeahtas: Omdisponering hittil i 2024Post/BeskrivelseBudsjett 2024Midler som er omdisponert tidligere i 2024Omdisponert til følgende poster i 2024Budsjett 2024 etter omdisponeringSum språk15 000 000-3 798 0004 000 60015 202 600Sum oppvekst, opplæring, utdanning og forskning65 020 000-9 444 2005 503 50060 379 300Sum arealer, miljø og klima3 069 000-209 000800 0003 660 000Sum næring23 800 000-5 751 2003 802 00021 850 800Sum kultur12 656 000-1 070 0005 473 00017 059 000Sum kulturminnevern3 500 000-681 00050 0002 869 000Sum helse og sosial2 200 000-500 0002 424 3004 124 300Sum urfolksrettigheter, internasjonalt og likestilling4 600 000-1 000 000650 0004 250 000Sum samarbeidsavtaler1 000 000-250 0000750 000Sum virkemidler-22 703 40022 703 4000 Almmuhuvvon 16.12.2024 11.33 Maŋemusat rievdaduvvon 28.05.2025 10.26