– FUB ja FUG, lea iešheanalaš orgánat Máhttodepartemeantta áššiin mat gusket ovttasbarggu gaskal ruovttu ja mánáidgárddi/skuvlla, ja leat dehálaš ovttasbargoguoimmit Sámediggái. Sii ovddastit váhnemiid beroštumi mánáidgárdde- ja skuvlasuorggis, okta dehálaš jietna maid mii háliidat guldalit min ovttasbarggus suorggi, lohkáMikkel Eskil Mikkelsen Åse M.P. Pulk/Sámediggi   sámediggeráđđi Mikkel Eskil Mikkelsen. 

– Sámedikkis leamašan ovttasbargu FUB/FUGai jo 2010 rájes, mii leat ilus go min ovttasbargu formaliserejuvvo dáinna vuolláičállimin. Sámediggi nammada dáid lávdegoddiide sámi áirasiid. Áigodaga 2020 – 2023 leaba Thomas Ole Andersen mánáidgárdde váhnenlávdegottis (FUB) ja Sara Marja Magga vuođđooahpahusa váhnenlávdegottis (FUG), lohká Mikkelsen. 

Dá leat muhtin čuoggát ovttasbargošiehtadusas: 

•  Buot mánáin ja nuorain galgá leat oadjebas, buorre ja dorvvolaš skuvlabiras 
•  Buot mánát ja nuorat galget dovdat iežas dohkkehuvvon dakkáriin go sii leat 
• Mánáid ja nuoraid lea vuoigatvuohta oahpahussii sámegillii ja sámegielas 
• Dahkat FUG ja Sámedikki oinnolaš aktevran ja doarjjan sámi skuvlasuorggis 

Ovttasbargošiehtadus vuolláičállo Full Steam boradanbáikkis, Romssas ja dá lea čujuhus: Søndre Tollbodgate 3  dii. 19.00.

Jearahallama ja gažaldagaid vástida sámediggeráđđi Mikkel Eskil Mikkelsen (NSR), mikkel.eskil.mikkelsen@samediggi.no