Lassin dasa Sámediggeráđđi evttoha lasáhusa Stiftelsen Protect Sápmái. Vuođđudusas lea ollu máhttu areálageavaheami birra, earenoamážit boazodoalus, ja bargá dainna áigumušain ahte sámi vuoigatvuođalaččat huksenáššin galget beassat friija ja diehttevaš ovdagihtii miehtama addit. Sámediggeráđđi evttoha Protect Sápmái kr 270 000 lasáhusa 2021 bušeahtas.
– Koronadoaibmabijut sámi ealáhus- ja kultureallimii lea maid doaibmabidju sámi servodahkii, ja mii áigut bargat dan mad sáhttit doaimmaid bisuheames dassážii go heahtedilli lea nohkan, muhto dalle dárbbašit maid liigeruđaid stáhtabušeahtas, sámediggeráđi Silje Karine Muotka deattuha.
Sámediggi oaččui lassiruđa reviderejuvvon 2020 bušeahtas ealáhusdoaibmabijuide ealáhuseallima dili geažil, masa kopronapandemiija lea unnit eanet váikkuhan. Čájehuvvui ahte lei stuorra dárbu ruđaide. 2021 stáhtabušeahttii ii leat lassi dahje seammalágan ruhta biddjojuvvon.
Sámediggi geavaha guokte goalmmádasa bušeahtas doarjagiidda sámi ásahusaide, sámi servodagaide ja sámi guovlluid álbmogii. Nu bušeahtta čájeha ahte juolludeapmi Sámediggái lea juolludeapmi oppa sámi servodahkii. Danne lea Sámediggi iežas váikkuhanortnegiiguin deaŧalaš veahkki barggolašvuođa bisuheames sihke priváhta ja almmolaš suorggis. Dat lea earenoamáš deaŧalaš kopronapandemiija áiggis.
- Vaikke vel Sámediggi ii leatge 2021:s liigeruđa koronadoaibmabijuide ožžon, de Sámediggi oaidná dárbun ain fokusa atnit váikkuhangaskaomiid aktiivvalaš geavaheamis, mii ealáhus- ja kultureallima lossa dili sáhttá geahpedit, sámediggeráđi Silje Karine Muotka loahpaha.
Jus háliidat eanet dieđuid dahje jearahallat, váldde oktavuođa sámediggeráđi Silje Karine Muotkain (NSR), tlf. 984 87 576 dahje e-poasta silje.karine.muotka@samediggi.no
Sámedikki 2021 bušeahtta - sámediggerádi mearrádusárvalus (PDF, 2 MB)