– Sámedikki iešguđetlágan doarjjaortnegiidda leat 2022:s leamaš olu ohccit. Maŋŋel pandemiija

Runar Myrnes Balto

oaidnit ahte dál lea šaddan olu aktiviteahta sámi servodagain, ja mii leat váikkuhan ruđalaččat olu buriid doaimmaide. Dat lea dagahan ahte eanas bušeahtat doarjjaortnegiidda leat nohkan. Danne mii fertiimet giddet vejolašvuođa sáddet ođđa ohcamiid, dadjá sámediggeráđđi Runar Myrnes Balto.

Sámedikki doarjjaportála giddejuvvo ođđa ohcamiidda skábmamánu 23.b 2022 rájes ja lea gitta olggos dán jagi. Ohcamat mat leat boahtán ovdal dán beaivvi meannuduvvojit dađistaga. 2023 ortnegiidda lea fas vejolaš ohcat ođđajagemánu 9.b. rájes.

– Mii áigut meannudit ohcamiid mat leat boahtán sisa, muhto olu ohcanvuđot ortnegiin fertet biehttalit olu buriid ohcamiid dainna ákkain ahte bušeahtta lea nohkan, lohka Balto loahpalaččat.

Jearahallama addá dahje vástida gažaldagaide sámediggeráđđi Runar Myrnes Balto (NSR), runar.myrnes.balto@samediggi.no