Sámedikkis lea gelddolaš virgi rabas, mii gullá Doaibmastivren- ja servodatoktavuođa staba vuollái. Du bargu čatnasa stába bargui mii guoská Sámedikki doaimma fierpmádathuksemii ja strategiijaovdánahttimii. Dát virgi lea dutnje gii beroštat politihkas, ja háliidat leat mielde ovdánahttime Sámedikki servodatoktavuođa nášunála dásis. Don oahpásmuvat bures sihke Sámedikki bargui ja seammás oahpat dovdat maid Stuorradiggi bargá.

Virgi galgá leat Sámedikki oktavuođagaskaoapmin Stuoradikkis. Virgi galgá váikkuhit Stuorradikki konsultašuvdnageatnegasvuođa čađaheami Sámedikkiin. Oktavuođa, diehtojuohkima ja ovttasdoaibmama bokte bellodatjoavkkuiguin ja Stuorradikki hálddahusain, galgá virgi váikkuhit dasa ahte sámi beroštumit ja vuoigatvuođat gozihuvvojit.

Virggi bargosadji lea Sámedikki kantuvrras Stuoradikkis Oslos. Lea dehálaš ahte son gii dán virggis lea, beaivválaččat lea kantuvrras, lea olámuttos ja lea oidnosis Stuoradikkis.

Virgi mielddisbukta veaháš mátkkošteapmi Sámedikki eará kántorbáikkiide ja ovddastusa oktavuođas.

Barggut

Sámedikki oktavuođagaskaoami virggis Stuoradikkis lea čuvvovaš barggut:

• Ásahit luohttámuša ja leat oktavuođagaskaoapmin Stuoradikki lávdegottiide ja bellodatjoavkkuide
• Fátmmastit áššiid ja politihkalaš proseassaid, oaidnit ja gaskkustit vejolašvuođaid mo fuolahit sámi beroštumiid ja rivttiid
• Juohkit máhtolašvuođa sámi rivttiid ja beroštumiid birra
• Gaskkustit Sámedikki oainnuid, beroštumiid ja čovdosiid
• Váikkuhit ráhkadit áššeguovdilis gulahallanstrategiijaid Sámediggái
• Leat oktavuođagaskaoapmin Stuoradikki administrašuvdnii, ja váikkuhit ovdánahttit buriid ovttasbargovugiid gaskkal Stuoradikki ja Sámedikki
• Čuovvut mielde Stuorradikki čállingottis áššiid birra mat meannuduvvojit
• Doalahit fásta čoahkkimiid sámediggeráđiin ja Doaibmastivrema ja servodatoktavuođa stábain

Du bargobeaivi hábmejuvvo dárbbu mielde ja du máhtu mielde. Fertet vuordit ahte virggi ja stába barggut rivdet Sámedikki dárbbu mielde.

Loga eanet virggi birra ja oza virggi Karrieresiiddus