Sámedikki statistihkka, 4. publikašuvdna (juovlamánnu 2022)

Sámedikki statistihkka, 4. publikašuvdna (juovlamánnu 2022)

Dá lea njealját publikašuvdna mii čájeha Sámedikki statistihka. Publikašuvnna ulbmil lea gaskkustit movt Sámedikki doarjjaortnegat juolluduvvojit.

Loga publikašuvnna Sámedikki statistihkka 2018-2021 (PDF, 5 MB)

Sámedikki statistihkka lea leamaš badjebázaprošeakta, ja dan boađusin lea ahte dat almmuhuvvo dakkár áiggi mii ii leat áibbas heivvolaš. Mihttomearrin boahtteáigái lea almmuhit statistihka dasttá maŋŋel go Sámedikki jahkedieđáhus almmuhuvvo, vuosttaš jahkenjealjádasas.

Sámedikki doarjjaortnegiid ulbmil lea sihkkarastit lassáneami ja positiivvalaš ovdáneami sámi báikkálaš servodagain, ja maiddái sihkkarastit olles sámi álbmoga vuoigatvuođaid ja beroštumiid. Positiivvalaš ovdáneapmi sámi giela, kultuvrra ja servodateallima hárrái eaktuda ahte kritihkalaš kapitála lea olámuttos ealáhuseallimii sámi guovlluin, muhto maiddái ahte sámi kulturásahusat, giellaarenat ja dearvvašvuođa- ja sosiálabálvalusat leat olámuttos sámiide miehtá Norgga.

Dán jagi lea statistihkka juhkkojuvvon gávcci kapihttalii, oktan gullevaš vuollekapihttaliiguin, mat eanet speadjalastet Sámedikki bušeahta ja jahkedieđáhusa hámi.

Buot doarjjalogut leat vižžojuvvon Sámedikki doarjjadiehtovuođuin1, ja kárttat leat hábmejuvvon prográmmapáhkain fhimaps2 R:i, man Álbmotdearvvašvuođainstituhtta lea ráhkadan. Daid suohkaniid hárrái mat leat ovttastahttojuvvon oidno dušše ođđaseamos suohkannamma bajilgovain ja kárttain.

Sámedikki hálddahus dat lea hábmen dán publikašuvnna.