Duogážin go ráđđi dál ovddida dakkár ášši lea ahte dievasčoahkkin áššis 52/18 mearridii ahte Sámediggeráđđi juohke válgaáigodaga galgá ovddidit ášši vuoruhemiid ja oainnuid birra ollašuhttin dihte finnmárkkulága ulbmila.

– Mii leat lágidan viiddis digaštallama vuordámušaid birra mat mis leat FeFo:i. Ráđđái lei dehálaš láhčit dakkár digaštallama mas ovdanbuktá vuordámušaid maŋŋil go Alimusriekti lei mearridan Kárášjohtášši, dadjá ráđđelahttu Elisabeth Erke (Gb).

Sámedikki dievasčoahkkin galgá meannudit ášši gaskavahkku juovlamánu 4. beaivvi.

– Ráđđi árvvoštallá ja lea ovddidan árvalusa mii dovddaha vuordámušaid FeFo rollaide eanaeaiggádin, ođasmuvvi resurssaid hálddašeaddjin ja servodataktevran. Mun háliidan áinnas deattuhit man dehálaš lea ahte FeFo dahká čálalaš árvvoštallamiid ja dahká iešheanalaš mearrádusaid meahccegeavaheami rievdadeami birra, ja joatká ahte ii leat guovddáš ovdánahttinaktevran ja váikkuhit dasa ahte báikkálaš olbmuid searvan geain leat geavahanvuoigatvuođat doaibmá bures ođasmuvvi resurssaid hálddašeamis, lohká Erke.

Dievasčoahkkima áššebáhpirat leat gávdnamis Sámedikki neahttasiiddus:

Dokument 24/25575 - Sametingets forventninger til FeFo for å oppnå Finnmarkslovens formål - Sametinget