Sámediggepresideanta Silje Karine Muotka logai dálkkádatraporta geigema oktavuođas ahte Sámediggi sávvá oažžut vástádusaid maid dálkkádatrievdamat mearkkašit sámi kultuvrii, boazodollui, guolásteapmái, meahcásteapmái, eará sámi ealáhusdoaimmaide ja sámi servvodateallimii.

Sámediggi lea dáhtton rávvagiid mat gusket dálkkádatheivehallamii, lasi vuostálastinnávccat sámi servvodagas ja mot árbediehtu sáhttá leat oassin čovdosis.

Sámediggeráđđi berošta maid dearvvašvuođas, biebmosihkkarvuođas ja dálkkádatruhtadeamis.  

Loga dálkkádatraportta «Dálkkádat rievdadeamit Sámis - oppalaš geahčastat ja dádjadeapmi». (PDF, 12 MB)

Dálkkádatraporta bargu lea leamaš ovttasbargu Sámeráđi ja Sámedikki gaskka. Rapporta lea ráhkaduvvon eaŋgalasgillii, muhto Sámediggi jorgala dan sámegillii ja dárogillii. Sámediggeráđđi pláne ovddidit ášši mii lea dálkkádatrievdademiid ja sámi kultuvrra birra Sámedikki dievasčoahkkimii. Sámeráđi dálkkádatraportta boahtá  geavahuvvot vuođđun áššis. 

Loga Sámeráđi arktalaš- ja birasossodaga jođiheaddji Gunn-Britt Rettera dálkkádatraportta ovdánbuktima.  (PDF, 276 kB)

Loga Sámeráđi arktalaš- ja birasossodaga jođiheaddji Gunn-Britt Rettera dálkkádatraportta powerpoint ovdánbuktima.  (PDF, 6 MB)