Sámediggeráđđi oaidná dál juo ahte bohtet máŋga bovdehusa sámediggepolitihkkáriidda sámi álbmotbeaivvi oktavuođas boahtte jagi.

Jus dát galgá mannat njuovžilit, de mii bivdit din sáddet bovdehusa ovdal 12.01.2024. Sáddes bovdehusa dán čujuhussii: samediggi@samediggi.no.

- Mii háliidit bidjat áigemeari bovdejumiide, nu ahte mii buori plánenbargguin nagodit searvat viidát, dadjá sadjásaš gulahallandirektevra Vaino Rensberg.

Searvvit, organisašuvnnat, suohkanat ja eará almmolaš orgánat mat leat juo sádden bovdehusaid, eai dárbbaš dan dahkat ođđasit.