Sámi logut muitalit 13 almmuhuvvo

Sámi logut muitalit 13 almmuhuvvo

Sámi statistihka fágalaš analysajoavku almmuha odne raportta Sámi logut muitalit 13.

Dán jagi čađahuvvojit dát ovdanbuktimat digitálalaččat Sámedikki lávdegoddečoahkkinvahkus, skábmamánu 18. beaivvi dii. 13.00-14.30 ja sáddejuvvo njuolga Sámedikki web-TV:s.

Fágalaš analysajoavku galgá juohke jagi ovdal golggotmánu 1.b. buktit raportta Gielda- ja ođasmahttindepartementii ja Sámediggái. Raporta galgá, nu guhkas go vejolaš, addit bajiidgeahčastaga ja árvvaštallama Norgga sámi servvodaga dilis ja ovdáneami sárgosiin. Raporta šaddá vuođđun jahkásaš bušeahttabargui ja konsultašuvnnaide gaskal stáhtalaš eiseválddiid ja Sámedikki.

Sámi logut muitalit 13-raporttas čálliba Snefrid Møllersen ja Iulie Aslaksen bajit dási perspektiivvas sámi statistihka geavaheami birra. Lene Antonsen ja Trond Trosterud čálliba sámegiela digitála resurssaid geavaheami birra. Dasa lassin čállá Trosterud vel sámegielat girjjálašvuođa birra mii lea almmuhuvvon Norggas. Kevin Johansen ges guorahallá makkár sámegielat dilli lea mánáidgárddiin, ja Anders Sønstebø čállá dan jahkásaš kapihttala sámi loguid birra.

Sámi logut muitalit 13 - Čielggaduvvon sámi statistihkka 2020 (PDF, 3 MB)

Loga eanet Sámi logut muitalit birra