Loga Sámi logut muitalit 15
Almmuheapmi lea okta hárvenaš almmuheapmi mii viidát ja dárkilit ovdanbuktá iešguđet lágan fágasurggiid birra, ja lea earenoamáš áššáiguoskevaš sidjiide geain lea dárbu oahppat dahje diehtit sámi dilálašvuođaid birra. Raporta sisttisdoallá dehálaš gávdnosiid ja perspektiivvaid sámi gažaldagain.
Runar Myrnes BaltoSámi logut muitalit 15 sisttisdoallá guhtta artihkkala sámi kultuvrra, giela ja boazodoalu iešguđetlágan beliid birra.
– Raportaráidu Sámi logut muitalit addá midjiide álo ođđa ja deaŧalaš dieđuid sámi servodaga birra. Mii dárbbašit statistihka ja máhtu vai sáhttit hábmet deaivilis politihka, mii fas sáhttá leat mielde ovddideamen min servodaga. Mun illudan oažžut dan ođđa máhtu maid dán jagi almmuheapmi sáhttá addit, dadjá sámediggeráđđi Runar Myrnes Balto (NSR).
Lea Sámi statistihka fágalaš analysajoavku mii redigere Sámi logut muitalit. Analysajoavku nammaduvvo gieldda- ja ođasmahttindepartemeanttas searválaga Sámedikkiin njealji jahkái hávális. Sámi statistihka fágalaš analysajoavku buktá rávvagiid eiseválddiide, dutkiide ja servodahkii.
Analysajoavkku lahtut geigejedje raportta Sámi logut muitalit 15 semináras, ja muhtun čállit ovdanbukte iežaset artihkkaliid semináras.
Inger Marie Gaup Eira– Stuorra iluin mii ovdanbuktit dán jagi Sámi logut muitalit raportta. Mii leat duhtavaččat go leat lihkostuvvan nu bures sihke siskkáldasat analysajoavkkus ja ovttas dán jagi čálliiguin. Dát raporta ii leat boađus dušše loguin ja analysain, muhto čájeha govva sámi duohtavuođas jahkái 2023, maid hábmejit hárjánan dutkit geat buktet ođđa bohtosiid ja čuvgejit hástaleaddji váttisvuođaid go guoská sámi gažaldagaide. Mii doaivut ahte raporta dagaha čiekŋaleappot ipmárdusa sámi statistihkas ja dan mearkkašumis dálá servodagas, dadjá Inger Marie Gaup Eira, gii lea analysajoavkku jođiheaddji.
Artihkkalat leat jorgaluvvon dárogielas davvi-, julev- ja lullisámegillii.
Loga artihkkaliid Sámi logut muitalit 15 raporttas
Geahča báddejuvvon sáddaga Sámi logut muitalit 15 semináras