Silje Karine Muotka, presideanta SPR:s (Norgga Sámediggi), Tuomas Aslak Juuso, várepresideanta SPR:s 30.11.25 rádjai (Suoma Sámediggi), Håkan Jonsson, várrepresideanta SPR:s (Ruoŧa Sámediggi)

Sápmelaččat leat okta álbmot, ja Sápmi lea min ruoktu – beroškeahttá guđe stáhtaráji siskkobealde mii leat. Riikkarájit mat sirrejit min álbmoga, leat mearriduvvon min váikkuhusa haga, ja dat eai sáhte leat mearrideaddjin min vuoigatvuhtii suodjalussii, birgejupmái ja kultuvrralaš ceavzimii.

Álgoálbmogat Ruoššas leat duođalaš dilis mas sin olmmošvuoigatvuođat leat gáržžiduvvon, ovdamearkka dihte sin vejolašvuohta doalahit iežaset kultuvrra ja cealkinfriddjavuođa. Mii leat fuolas sápmelaččaid dilis Ruoššas. Mii maiddái oaidnit ahte ádjána beare guhká meannudit ohcamiid go sápmelaččat ohcet dorvvu davviriikkain, ja daid sápmelaččaid eallin dego bissehuvvo go gártet dillái mas fertejit dušše vuordit. Sápmelaččaide geat báhtarit Ruoššas ferte leat spiehkastat Dublin-šiehtadusas, ja sis ferte leat vejolašvuohta oažžut iežaset ohcamiid meannuduvvot Norggas, Ruoŧas dahje Suomas jus háliidit. Dasto sis ferte leat vejolašvuohta orrut sámi guovlluin jus dan háliidit. 

Mii gáibidit čuovvovaš doaimmaid:

1. Sámi dorvoohcciide spiehkastat Dublin-šiehtadusas 
   Sámi dorvoohccit fertejit oažžut vuoigatvuođa válljet guđe davviriikkas háliidit ohcat dorvvu. Sii eai galgga bággejuvvot máhccat dan riikii masa álggos bohte, nugo Dublin-šiehtadusa mielde dábálaččat lea. Sápmelaččain lea historjjálaš ja kultuvrralaš gullevašvuohta miehtá Sápmái, ja sin vuoigatvuođas suodjaluvvot ferte dat váldojuvvot vuhtii. 
2. Vuoigatvuođa orrut sámi guovlluin 
   Sámi dorvoohccit fertejit oažžut vejolašvuođa ássat sámi guovlluide jus dan háliidit. Sin ii sáhte bágget vuostáiváldinbáikkiide mat leat guhkkin eret sámi servodagain, gos masset vejolašvuođa eallit iežaset kultuvrra mielde, hupmat iežaset giela ja doalahit iežaset identitehta. Lea mearrideaddji dehálaš ahte sii besset orrut sámi deaivvadanbáikkiid, fálaldagaid ja sámi báikegottiid lahkosiin, mat sáhttet doarjut sin, sihke dan botta go sii vurdet ahte sin dorvoohcan meannuduvvo ja maŋŋel go ohcamii lea mieđihuvvon. 
3. Vuoigatvuohta doalahit giela ja kultuvrra 
   Sámi dorvoohccit fertejit oažžut sámegieloahpahusa, kultuvrralaš fierpmádagaid ja doarjjaortnegiid mat veahkehit sin áimmahuššat iežaset sámi identitehta dan botta go vurdet mearrádusa orruma birra. Dasa gullá ahte sidjiide galget sámi skuvlafálaldat, mánáidgárddit, giellaguovddážat ja eará sámi ásahusat leat olámuttos. 
4. Politihkalaččat dohkkehit sámi dorvoohcciid erenoamáš dili 
   Norga, Ruoŧŧa ja Suopma fertejit dohkkehit ahte sápmelaččain geat bohtet Ruoššas lea erenoamáš stáhtus álgoálbmogin Sámis. Sin kultuvrralaš, gielalaš ja historjjálaš duogáža galgá atnit árvvus ja váldit vuhtii. Dasa gáibiduvvo ahte davviriikkaid dorvoohccipolitihkka heivehuvvo.

Sápmelaččat eai leat goassege ráhkadan daid rájiid mat sirrejit min. Mii háliidit ain eallit oktan álbmogin, nu ahte mis lea friddjavuohta johtit ja ássat iežamet riikkas. Norga, Ruoŧŧa ja Suopma fertejit váldit iežaset ovddasvástádusa sámi dorvoohcciid suodjaleamis geat bohtet Ruoššas, ja fuolahit ahte sii besset eallit sápmelažžan, eaige vierisolmmožin iežaset ruovtturiikkas. 

The Sámi Parliamentary Council: Statement on Sámi asylum seekers

The Sámi Parliamentary Council demands that Sámi asylum seekers from Russia receive special treatment within the asylum systems of Norway, Sweden, and Finland. The Sámi are one people, and Sápmi is our homeland — regardless of which side of a national border we find ourselves on. The state borders that divide our people were drawn without our involvement, and they cannot be the determining factor for our right to protection, livelihood, and cultural survival.

Indigenous peoples in Russia are facing a serious situation in which their human rights are being restricted, including their ability to maintain their culture and freedom of speech. We are concerned about the situation of the Sámi in Russia. We also observe that the processing time for Sámi asylum seekers in the Nordic countries is long, leaving their lives in limbo. Sámi fleeing from Russia must be granted an exception from the Dublin Regulation and be given the opportunity to have their asylum applications processed in Norway, Sweden, or Finland if they so wish. Furthermore, they must be allowed to live in Sámi areas if they choose.

We demand the following measures:

1. Exemption from the Dublin Regulation for Sámi asylum seekers
   Sámi asylum seekers must have the right to choose which of the Nordic countries they wish to apply for asylum in. They should not be forced to return to the first country they arrived in, as is normally required under the Dublin Regulation. The Sámi have a historical and cultural connection to allof Sápmi, and their right to protection must take this into account.
2. Right to live in Sámi areas
   Sámi asylum seekers must be allowed to settle in Sámi areas if they wish. They       must not be forcibly placed in asylum centers far from Sámi communities, where they would lose the opportunity to live within their culture, speak their language, and maintain their identity. It is crucial that they can have the opportunity to live near Sámi meeting places, services, and communities that can support them both while they wait for their asylum application to be processed and after it has been granted.
3. Right to maintain language and culture
   Sámi asylum seekers must have access to Sámi language education, cultural networks, and support programs that help them preserve their Sámi identity while awaiting a decision on their residency. This includes access to Sámi schools, kindergartens, language centers, and other Sámi institutions.
4. Political recognition of Sámi asylum seekers' unique situation Norway, Sweden, and Finland must recognize that Sámi from Russia hold a special status as indigenous people in Sápmi. They must be treated with respect for their cultural, linguistic, and historical ties. This requires an adjustment of asylum policies in the Nordic countries.

The Sámi have never created the borders that divide us. We want to continue living as one people, with free movement and the right to settle in our own land. Norway, Sweden, and Finland must take responsibility for protecting Sámi asylum seekers from Russia and ensuring that they can live as Sámi—not as strangers in their own homeland.