Sámi parlamentáralaš ráđi dievasčoahkkin mearrida juohke dievasčoahkkimis iežas doaibmaprográmma. Dát doaibmaprográmma lea Sámi parlamentáralaš ráđi bálggesčuovga. Doaibmi doaibmaprográmma mearriduvvui ođđajagimánu 16. beaivvi 2025.

Čuovvovaš áššesurggiid vuoruhit dán áigodagas:

• Sámi parlamentáralaš ráđi doaibma – organiseren ja ruhtadeapmi
• Sámegiella (Ulbmil lea ahte Giellagáldui ásahuvvo bistevaš ruhtadeapmi)
• Davviriikkalaš sámekonvenšuvdna (Sámi parlamentáralaš ráđi dáhttu lea olahit dakkár konvenšuvnna mas lea govda fágalaš ja politihkalaš doarjja ja háliida ahte dahkkojuvvojit moadde, muhto dattege dehálaš rievdadusa konvenšuvdnateakstaevttohusas.)
• Ovttastahttit sámediggeválggaid Suomas, Norggas ja Ruoŧas
• Identifiseret konkrehta rádjahehttehusaid sámi guovlluin ja man ulbmil lea jávkadit ja vuosttaldit rádjahehttehusaid mat hehttehit ovttasbarggu sámi guovlluin
• Rájárasttildeaddji ovttasbargu mii guoská oktasaš boraspirepolitihka strategiijai.
• Enhanced participation proseassa - ON eamiálbmogiid máilmmikonferánssa (WCIP) loahppadokumeantta čuovvulit, eamiálbmot válljejuvvon orgánat besset searvat ON vuogádaga čoahkkimiidda iežaset olis.
• Nannejuvvo sámiid oassálastinvuoigatvuođat EU:s ja Davviriikkaid Ráđis
• Rájáid rasttildeaddji ovttasbarggu mánáidgárddiid/árrabajásgeassima- ja skuvllasuorggis
• Álggahit oktasaš čuovvolanproseassa sámiid guoski duohtavuohta- ja soabadanproseassaide
• Nannet sámi nuoraid searvama ja váikkuheami válaštallan dáhpáhusaide
• ráhkadahttit rádjerasttildeaddji rapportta seksuálalaš minoritehtaid ja sohkabealminoritehtaid dilis ja álgghit rájdjerasttildeaddji guorahallama man ulbmil lea easttadit iešsoardima.

SPR mearkkašupmi sámiide

Sámi parlamentáralaš ráđđi doaibmá Norgga, Ruoŧa ja Suoma Sámedikkiid parlamentáralaš ovttasbargoorgánan, mas maiddái Ruošša beale sámi organisašuvnnat leat mielde dárkojeaddjin. SPR:a bargun lea nannet sámi álbmoga ovttasbarggu riikkarájiid rastá ja ovddastit sápmelaččaid riikkaidgaskasaš forumis. Dát bargu lea erenoamáš deaŧalaš dalle go gieđahallojuvvojit áššit mat gusket sámiide oktan álbmogin.