Sámediggeráđđi Runar Myrnes Balto ovttas Mannsutvalget lávdegoddejođiheddjiin Claus Jervellain ja lávdegoddelahtuin Aili Keskitaloin. Máret Inger A. Anti/Sámediggi

Jus it sáhttán čuovvut seminára, de lea vejolaš geahččat báddejuvvon seminára Sámedikki neahtta-TV:s.

Geahča seminára sámi bártniid ja dievdduid dásseárvohástalusaid birra

Dievdolávdegoddi/Mannsutvalget galgá buktit ollislaš bajilgeahčestaga das makkár dásseárvohástalusat bártniin ja dievdduin leat eallimis, árvvoštallat dálá politihka ja bidjat johtui proseassaid, ja árvalit doaimmaid mat bohtet váikkuhit dasa ahte šaddá ovttadássásaš servodat. Lávdegoddi galgá leveret iežas loahpparaportta NAČ hámis ovdal njukčamánu 22. beaivvi 2024. Lávdegotti vuolggasadji lea ahte dievddut leat seagáš joavku ja ahte dásseárvohástalusat gullet oktii faktoraiguin nu go sosiála iešguđetláganvuođain. Dásseárvohástalusat galget gehččojuvvot maskulinitehta norpmaid ja árbevirolaš sohkabealrollaid norpmaid duogážiin, gos dat lea relevánta.

Oassin dán barggus, de bovdejedje Mannsutvalget ja Sámediggi seminárii dásseárvohástalusaid birra mat gusket sámi bártniide ja dievdduide. Sámedikki bealis searvvai sámediggeráđđi Runar Myrnes Balto. Mannsutvalget bealis searvvaiga lávdegoddejođiheaddji Claus Jervell ja lávdegoddelahttu Aili Keskitalo. Mannsutvalget háliida cealkámušaid dan birra maid sámi bártnit ja dievddut vásihit dehálaš dásseárvohástalussan, ja árvalusat doaimmaide mat sáhttet dagahit eanet dásseárvvu.