Min boahttevaš ráđđeaddin dus lea hui mávssolaš doaibma hukset šaldi Sámedikki ja dan birrasa gaskka. Virgái gullet máŋggalágan barggut nugo strategalaš gulahallan, ráđđeaddin, prošeaktajođiheapmi ja gulahallanstrategiijaid ja visuála identitehta ovddideapmi.

Gulahallanstába veahkeha politihkkáriid, hálddahusa ja fágaossodagaid gulahallamiin. Don leat guovddážis sihkkarastime ahte Sámedikki dieđut gaskkustuvvojit čielgasit ja ulbmillaččat - sihke sámi servodahkii ja stuoraservodahkii. 

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Aarbortes, Skániin, Snoasas, Romssas ja Ájluovttas.

Sámedikki bargit fertejit rehkenastit veahá mátkkoštit.

Barggut

Barggut mat gullet virgái:

• Ovddidit ja implementeret ollislaš gulahallanstrategiijaid
• Ráhkadit gulahallanplánaid, prinsihpaid ja rutiinnaid
• Ain ovdánahttit ja buoridit Sámedikki gulahallankanálaid
• Jođihit prošeavttaid gulahallama ja ovdánahttinbargguid oktavuođas
• Ráhkadit analysaid ja ipmárdusa mii adno strategalaš gulahallama, beagginhuksema ja posišonerema vuođđun
• Veahkkin ovddidit visuála identitehta, koordineret gráfalaš bálvalusaid ja printenbálvalusaid dárbbu
• Ráđđeaddin prošeavttaid ja politihkalaš proseassaid oktavuođas
• Ráhkkanahttit ja láhčit gulahallanplánaid
• Lágidit oahpahusa ja gelbbolašvuođahuksema gulahallanbargguid oktavuođas
• Raporteret jođihangoddái ja veahkehit fágaidrasttildeaddji ovdánahttinbargguiguin
• Ain ovdánahttit heahtegulahallama
• Buvttadit ja gaskkustit sisdoalu teavstta, videoid ja govaid bokte

Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja stába barggut ja ovddasvástádussuorggit rivdet ásahusa dárbbuid mielde.

Loga eanet virggi birra ja oza virgái Karrieresiiddus