Soahpan 2024 Dáiddáršiehtadusa – stuora buorri sámi dáiddáriiddaSámediggi ja Sámi Dáiddárráđđi (SDR) leat soahpan Dáiddáršiehtadusa jahkái 2024. Dáiddáršiehtadusa ekonomalaš rámma lasihuvvo 799 000 ruvnnuin. Maja Kristine Jåma Árvu/Sametinget Das lea lasáhus stipeanddaide sámi dáiddáriidda, čájáhusbuhtadussii ja doaibmadoarjagii SDR:i ja čieža dáiddárorganisašuvdnii. - Dáiddáršiehtadusa bokte mii leat mielde ovdánahttime dáidda- ja kultursuorggi, ja láhčime dili nu ahte sáhttá hábmet ja gaskkustit girjás sámi dáiddaeallima , dadjá sámediggeráđđi Maja Kristine Jåma (NSR). SDR vásiha ahte dárbbaša eambbo hálddahuslaš návccaid, go SDR miellahtut leat lassánan maŋŋel go jahkečoahkkimis geassemánus mearridedje lahttudit ovttastusa “Mun dajan – ovttastus sámi dáiddárat” SDR:i. Jagi 2024 Dáiddáršiehtadusa eaktun lei Mun dajan -ovttastusa lahttudeapmi. - Lean rámis go sámi dáidagii ja kultuvrii lassána beroštupmi ja fuomášupmi. SDR, earret eará stipeanddaid bokte, lea hui dehálaš vai nuorat besset ovdánahttit iežaset dáiddalaš attáldagaid. Giittán maiddái konstruktiivvalaš šiehtadallamiid ovddas, dadjá sámediggeráđđi Jåma. Lasáhus oktiibuot: Kunstneravtalen 2024 Suorgi Dáiddáršiehtadus 2023 Dáiddáršiehtadus 2024 Lasáhus 2023 rájes Proseantalassáneapmi Doaibmadoarjja Sámi Dáiddárráđđái ja čieža dáiddárorganisašuvdnii 5 379 000 5 779 000 400 000 7,4% Stipeanda sámi dáiddáriidda 3 715 000 4 065 000 350 000 9,4% Dáiddafoanda 947 000 947 000 0 0% Čájáhusbuhtadus 51 000 100 000 49 000 96,1% Oktiibuot 10 092 000 10 891 000 799 000 7,9% Almmuhuvvon 29.06.2023 14.31 Maŋemusat rievdaduvvon 19.06.2024 10.48