– Lean ilus go Sámi dáiddárráđđi (SDR) ja Sámediggi lea soahpan dáiddáršiehtadusas jahkái 2023. Sámi dáidda- ja
Maja Kristine Jåma
Åse M. P. Pulk/Sámediggi
kultuvra lea áigeguovdil ja mun lean ilus go mii sáhttit doarjut dán, ja addit eambbo doaibmadoarjaga SDR:i ja dáiddaorganisašuvnnaide vuoi sáhttet doaimmahit eambbo aktivitehtaid ja čalmmustahttit buot dan gelddolašvuođa mii geavvá dáiddasuorggi siskkobealde, lohka sámediggeráđđi Maja Kristine Jåma.
Bealit leat soahpan ekonomalaš rámma ru. 5 379 000 mii galgá doaibmadoarjagii sámi dáiddaorganisašuvnnaide ja Sámi dáiddárráđđái. Bealit leat šiehttan ahte siskkobealde dán rámma lea maiddai 250 000 ru. doaibmadoarjja Ovttastussii Mun dajan – ovttastus sámi dáiddárat. Reasta ruđat galget geavahuvvot čállinguovddáža nannemii.
Sámedikki vuođđu fálaldahkii váldá álgoálggu mearkkašumis Dáiddáršiehtadus 2022 Sámedikki dievasčoahkkin meannudeamis. Dat lei eanetlogumearkkašupmi mii ovddiduvvui Norgga Sámiid Riikkasearvvis (NSR), Ávjovári Johttisápmelaččaid listtus, Guovddášbellodagas ja bellodatorjjasmeahttun áirrasis.
Dain miellahtuin lea vuordámuš ahte Ovttastus Sámi dáiddárat váldojuvvojit ollislaš miellahttun SDR:i, siskkobealde rámma govttolaš ekonomalaš buhtadusa vuođul mii Sámedikki bealis gieđahallojuvvo Dáiddáršiehtadusa čađa.
Oasit leat ovttaoaivilis ahte Sámi dáiddárráđi jahkečoahkkin ferte lahttudit ođđa ovttastusa ja ahte Sámi dáiddárráđi stivra lokte ášši jahkečoahkkimii. Sámediggi lea maid deattuhan ahte lasáhus boahtte jagi rámmii eaktuda ahte ovttastus Mun dajan – Ovttastus sámi dáiddárat váldojuvvo ollislaš miellahttun Sámi dáiddárráđđái.
Šiehtadallanlávdegoddái lea dieđihuvvon ahte boahtte jagi rámma lasáhus Ru. 1.000.000 váldo ruovttoluotta Sámedikki bealis, jus boađus šaddá eará go dan mii lei eaktun.
Jus leat gažaldagat dahje jus háliidat jearahallama, váldde oktavuođa sámediggeráđiin Maja Kristine Jåma (NSR), mob + 47 472 42 366, maja.kristine.jama@samediggi.no