– Movttiidahttin dihte nuoraid válljet sámegiela fágan joatkkaskuvllas, juolluda Sámediggi stipeandda ohppiide geain lea sámegiella fágasuorggis. Oahppit geat válljejit sámegiela vuosttašgiellan vuoruhuvvojit bajimussii, dadjá sámediggeráđđi Mikkel Eskil Mikkelsen (NSR).

• 216 oahppi geain lea sámegiella vuosttašgiellan leat ožžon 10 000 ruvnno stipeandan.
• 73 oahppi geain lea sámegiella nubbingiellan – Sámegiella 2, leat ožžon 6 000 ruvnno stipeandan.
• 252 oahppi geain lea sámegiella nubbingiellan – Sámegiella 3 dahje Sámegiella 4, ja geain lea sámegiella amasgiellan leat ožžon 3 500 ruvnno stipeandan.

Stipeanda joatkkaskuvlaohppiide geain leat sámegieloahpahus lea ohcanvuđot stipeanda. Skuvlajagi 2021/2022 ledje 544 oahppi geat ožžo dán stipeandda.