– Sámegiella lea dehálaš oassi identitehtas ja kultuvrras ollu báikegottiin. Go eambbo nuorat ohppet sámegiela, de dat nanne sihke giela ja min servodagaid, dadjá sámediggeráđđi Ann-Elise Finbog. 

Stipeanddaid juohkin: 

Ann-Elise Finbog Árvu/Sámediggi

• 222 oahppi geain sámegiella lea vuosttašgiellan, leat guhtege ožžon 15 000 ruvnno stipeandan.
• 84 oahppi geain sámegiella lea nubbingiellan, leat guhtege ožžon 7000 ruvnno stipeandan.
• 288 oahppi geain sámegiella lea 2., 3. dahje 4. giellan, leat guhtege ožžon 4000 ruvnno stipeandan.
• 11 oahppi geain sámegiella lea vierisgiellan, leat guhtege ožžon 4000  ruvnno stipeandan. 

– Mii dárbbašit eambbo nuorra sámegiela geavaheddjiid, ja stipeandaortnet lea dehálaš doaibmabidju mii movttiidahttá ohppiid válljet sámegiela joatkkaskuvllas, dadjá sámediggeráđđi Finbog. 

Stipeanda ohppiide geain lea sámegiella joatkkaskuvllas lea jahkásaš, ohcanvuđot doarjjaortnet maid Sámediggi hálddaša. Oahppit geain sámegiella lea fágan joatkkaskuvllas sáhttet ohcat stipeandda juohke skuvlajagi, jus devdet ortnega eavttuid. Skuvlajagi 2024/2025 ožžo oktiibuot 625 oahppi stipeandda.