Konferánsa fáttát leat sámi ja álgoálbmotpedagogihkka ja didaktihkka. Konferánsas ovdanbuktojuvvo SáMOSa bohtosat ja vásahusat. Dutkit iešguđege álgoálbmotmáilmmis bovdejuvvojit logaldallin. Prográmma almmuhuvvo go lea gárvvis.
 
Várre dál juo áiggi iežat kaleandaris konferánsii mii álgá njukčamánu 21. b. dii. 11:s ja bistá njukčamánu 23. b. sullii dii. 12 rádjái.

Orrun

Guovdageainnu Thon hoteallas lea vejolaš várret lanja dál juo jus dárbbašat idjadansaji. Geavat SáMOS referánsan vaikko mávssát ge ieš orruma. Várre áinnas jođánit vai oaččut lanja. Nubbi vejolaš orrunbáiki lea Arctic motel & Kautokeino camping.

Mátkkošteapmi

Lagamus girdišillju lea Álttás. Gaskal Álttá ja Guovdageainnu lea 140 km ja ádjána sullii 2 diimmu vuodjit biillain. Lea vejolaš mátkkoštit láigobiillain dahje bussiin Guovdageidnui. Busse ii vuoje nu dávjá, fuomáš dan dihte ahte galggat beassat girdišiljus konferánsabáikái go diŋgot girdibileahta ja orruma.

Lágideaddji sáhttá bidjat oktasaš sáhtu Guovdageainnus Áltái jus leat máŋggas geat galget joksat girdi seamma beaivvi maŋŋil konferánssa. Dan birra eambbo diehtu go dieđiheapmi rahpasa.

Oaidnalit go mii Guovdageainnus 21.-23.3.23?