Norggas leat guokte parallealla ovttaárvosaš oahppoplánabuktaga, sámi- ML20S ja nationála ML20S oahppoplánabuktaga. Sámi oahppoplánabuktagis eai leat buot skuvllafágain sierra sámi oahppoplánat, earet eará ii leat sierra oahppoplána matematihkafágas. Sámediggi lea guhká oaidnán dárbbu sámi parallealla ovttaárvosaš oahppoplánaid daid fágaide main dál eai leat sierra sámi oahppoplánat.

Sámediggái lea dehálaš sihkkarastit ahte sámi oahppit ožžot oahpahusa mas lea duogáš sámi kultuvrras, gielas ja servodateallimis, ja Sámedikki áigumuš lea ahte juohke oahppoplána rievdademiin galgá sámi sisdoallu nannejuvvot ja leat eanet eksplisihtta . Dán dihtii lea ge ahte sámi parallealla ovttárvosaš oahppoplánin erenomážit lea nannejuvvon sámi sidoallu.

Oassin ML20S oahppoplánaid ođasmahttin barggus, de lea Sámediggi ieš álggahan proseassa hábmet sierra sámi mateamtihkka oahppoplána vuođđoskuvlii.

Sámediggi lea ođđajagis ásahan oahppoplánajoavku mii oaččui barggu hábmet sámi matematihkka oahppoplána árvalusa. Sii adde árvalusaset Sámediggái dán jagi geassemánu 30.b. Oahppoplánajoavku lea geavahan nationála oahppoplána matematihkas vuođđun sámi matematihkka oahppoplána barggadettiin. 

Loga oahppoplánaárvalusa, matematihkka 1.10.ceahkkái – sámi plána (PDF, 378 kB)

Oahppoplánajoavku lea konkretiseren sámi sisdoalu buot osiin oahppoplánas. Sii leat earet eará árvalan fáttáid nugo bearašoktavuođat, searvevuohta, birgejupmi, sámi lohkan- ja mihtidanvugiid ja meroštallan. Nationála oahppoplánas váilu fágarasttideaddji fáddá guoddevaš ovdáneapmi, oahppoplánajoavku lea lasihan guoddevaš ovdáneami sámi oahppoplánii. 

Oahppoplána lea gulaskuddamii áigodagas 04.07.-21.09.2025.

Searvva gulaskuddamii - deavdde skovi

Gulaskuddanreive árvalussii Sámi parallealla ovttaárvosaš oahppoplána matematihkas (PDF, 240 kB)

Oahppoplánaárvalus dárogillii: Utkast til samisk parallell likeverdig læreplan i matematikk for 1.-10.trinn (PDF, 264 kB)