Duohtavuođa- ja soabahankommišuvnna raporta

Raporta “Sannhet og forsoning– grunnlag for et oppgjør med fornorskingspolitikk og urett mot samer, kvener/norskfinner og skogfinner” geigejuvvui Stuorradiggái geassemánu 1. beaivvi 2023. Sámedikki dievasčoahkkin galgá meannudit raportta. Dan oktavuođas bivdá sámediggeráđđi sámi servodaga searvat gulaskuddamii ja buktit oaiviliid raportta sisdoalu birra ja evttohuvvon váidudeaddji doaibmabijuid birra.

Gulaskuddan lea rabas buohkaide. Gulaskuddanreive lea vuos sáddejuvvon njuolggodoarjjavuostáiváldiide Sámedikki bušeahtas, muhto sáddejuvvo eanet organisašuvnnaide ja etáhtaide buori áiggis ovdal gulaskuddanáigemeari. 

Gulaskuddan lea digitála.

Gulaskuddanáigemearri: Golggotmánu 31. beaivvi 2023

Loga olles raportta Stuorradikki neahttasiidduin

Gulaskuddanvástádusat – Duohtavuođa- ja soabahankommišuvnna raporta

Viečča dokumeantta mas leat buot gulaskuddanvástádusat: Gulaskuddancealkámušat Duohtavuođa- ja soabahankommišuvnna raportta birra, čakčat 2023 (PDF, 30 MB)

Fuomáš: Don sáhtát ohcat gulaskuddaninstánssaid dahje cealkámušaid vissis fáttáid birra jus geavahat ohcanvejolašvuođa dokumeanttas.