Sámedikki dievasčoahkkin jođihangoddi oažžu válddi Sámedikki dievasčoahkkimis Sámedikki čoahkkinortnega paragráfa 9 bokte. Dievasčoahkkinjođihangoddi fápmuda dasto mearridanválddi dievasčoahkkinjođiheaddjái ja hálddahussii dain áššiin, mat gáibidit dađistaga áššemeannudeami.

Dievasčoahkkinjođihangotti bargun lea čoahkkinortnega paragráfa 9 vuođul hálddašit Sámedikki jienastuslogu ja sámediggeválggaid. Dievasčoahkkinjođihangoddi gohčču ja jođiha Sámedikki dievasčoahkkima ráđđádallamiid ja das lea earret eará ovddasvástádus sáddet áššiid sámediggeráđis fágalávdegottiide ja dievasčoahkkimii meannudeapmái. Dievasčoahkkinjođihangoddi sáhttá ovddidit áššiid Sámedikki fágalávdegottiide ja dievasčoahkkimii, ovdamearkka dihte rievdadusevttohusaid Sámedikki čoahkkinortnegii ja eará njuolggadusaid Sámedikki politihkalaš doibmii.

Dievasčoahkkinjođiheaddji ovddasta Sámedikki ollu almmolaš oktavuođain, nugo šloahttamállásiin ja almmolaš stáhtagalledemiin. Sámedikki dievasčoahkkinjođiheaddjis lea bajimus árvodássi Sámedikki politihkkáriid gaskkas ja ovddastemiid oktavuođas čuovvu Sámediggi čuovvovaš árvoortnega gč. Čoahkkinortnega paragráfa 34: Dievasčoahkkinjođiheaddji, presideanta, dievasčoahkkinjođihangotti lahtut ja sámediggeráđi lahtut.

Loga Sámedikki čoahkkinortnega (PDF, 455 kB)

Sandra Márjá West (NSR) lea válljejuvvon 2025-2029 dievasčoahkkinjođiheaddjin.

Viečča govaid dievasčoahkkima jođihangottis 

Loga eanet Sámedikki dievasčoahkkima birra

Geahča goas leat lávdegoddečoahkkimat ja dievasčoahkkin

Dievasčoahkkima jođihangottis leat 2025-2029 áigodagas dát lahtut: